Әнші Instagram парақшасында әлемдік шоу-бизнестегі жұмысын жалғастыру араға екі жыл салып Қытайға оралғанын айтты.
«Дүниежүзілік карантинге байланысты бұл кездесуді екі жыл күттік. Мен бір айға жуық оқшауландым. Осы уақыт ішінде алда Қытайдағы өз командаммен бірге жүзеге асыратын түрлі жоспарлар дайындадым. Алда әр түрлі концерттерге қатысамын. Әлемнің барлық елдеріндегі телебағдарламалардың қонағы боламын (егер карантинге байланысты концерттер мен телебағдарламаларды түсіруге тыйым салынбаса). Иә, бүкіл әлемде болған карантин менің жоспарыма да әсер етті, бірақ алда өз жұмысыммен қуантатын боламын», деді Құдайберген.
Димаш кинофестивальге құрметті қонақ ретінде қатысты. Кеш барысында жанкүйерлерге қолтаңба беріп, сахнада Screaming әнін орындады. Сондай-ақ, қытайлық БАҚ-қа берген сұхбатында, екі жыл ішінде Қытайдағы жанкүйерлерін сағынғанын, елге келгеніне қуанышты екенін айтты.
