Ауа райы • 01 Қазан, 2021

Жұмаға арналған ауа райы болжамы

Синоптиктер қазан айының алғашқы күніне арналған ауа райы болжамын жариялады, деп хабарлайды Egemen.kz.

Мәскеу аудандарынан жылжып жатқан солтүстік-батыс антициклонның ықпалынан батыс және оңтүстік аймақтарды қоспағанда, ҚР аумағының басым бөлігі әлі де өтіп бара жатқан циклон жырасының ықпалында болады.

Еліміздің солтүстігінде, солтүстік-батысында, орталығында және оңтүстік-шығыстың таулы аудандарында жаңбыр мен қар түрінде жауын-шашын жауады, олар көктайғақ құбылыстарымен бірге болады.

Еліміздің оңтүстігі мен солтүстігінде жел күшейіп, түңгі және таңғы сағаттарда тұман күтіледі. Түнде және таңертең Ақмола облысының оңтүстік жартысында көктайғақ, тұман күтіледі, облыстың солтүстігінде, шығысында жел 15-20 м/с күшейеді.

Таңертең және күндіз Қостанай облысының солтүстік-шығысында, шығысында көктайғақ, түнде және таңертең солтүстік-батыста, батыста тұман түседі. Солтүстік Қазақстан облысында күндіз басым бөлігінде жел 15-20, облыстың оңтүстік-шығысында екпіні 23 м/с күшейеді.

Шығыс Қазақстан облысының батысы мен солтүстігінде жел 15-20 м/с күшейеді. Түнде Павлодар облысының шығысында, күндіз солтүстігінде тұман болады.

Түнде Қарағанды облысының солтүстігінде, шығысында көктайғақ, түнде және таңертең солтүстікте тұман күтіледі.

Алматы облысының оңтүстігінде, шығысында жел 17-22 м/с күшейеді. Жамбыл облысының таулы аудандарында тұман күтіледі, оңтүстік-батыста және таулы аудандарда желдің жылдамдығы 15-20 м/с жетеді. Күндіз Түркістан облысының таулы аудандарында жел 15-20 м/с күшейеді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз