Қайта жөндеуден өткен канал арналары бетондалған. Нәтижесінде 5590 га егістік алқабын суару мүмкіндігі туып, ағын су шығынын азайтады.
Сондай-ақ канал бойындағы су реттегіш гидротехникалық құрылғылары күрделі жөндеуден өткізілді. Филиал директоры тағы бірнешеуі жаңадан салынғанын да атап өтті.
«2022 жылы Отырар ауданында «Шәуілдір үстеме каналын реконструкциялау» және «Ішкі коллекторлық дренаж жүйелерін реконструкциялау» жобалары іске қосылмақ.
Жоба аясында 30,4 шақырым канал бетонмен қапталып, 417 шақырым коллектор дренаж жүйелері механикалық тазалаудан өткізіледі. Нәтижесінде «Д.Алтынбеков», «Көкмардан» каналдары бойындағы 12 мың га жерді сумен қамтамасыз етілуі жақсарып, жаңадан 7 мың га суармалы жерлер айналымға қосылатын болады», деді Мерлан Керімжанов.
