Елбасының «Қазақстан жолы – 2050: бір мақсат, бір мүдде, бір болашақ» атты Жолдауында айтылған мемлекетімізді дамытудың басым бағыттары Мәжіліс Төрағасы Нұрлан Нығматулиннің Оңтүстік Қазақстан облысында өткен кездесулерінде әңгіме өзегіне айналды.
Кентау трансформатор зауытының өнімі бүгінде экономиканың түрлі салаларында: электр энергетикасы, металлургия, машина жасау, көлік, мұнай-газ кешені, тұрғын үй-коммуналдық секторларында кеңінен пайдаланылады. Заманға сай жоғары технологиялы құралдарды пайдалану арқасында шығарылған өнім сапалы әрі сенімді болып отыр. Н.Нығматулин зауыт жұмысшыларына Президент Жолдауының негізгі бағыттары туралы кеңінен әңгіме етіп, барлық қазақстандықтардың басты мақсаты – Елбасы жүктеген тарихи міндеттерді жүзеге асыруға белсене араласу екенін қадап айтты.
Мәжіліс Төрағасы аймақтың жалпы индустриялық әлеуетіне тоқтала келіп, аталған зауыттың жоғары технологияларды пайдалануға, өндірісті жаңғыртуға бағытталғанын тілге тиек етті. Айталық, 2013 жылы өндірістік өнім 552 миллиард теңгені құрады, бұл – 2012 жылмен салыстырғанда 2,3 пайызға жоғары.
Кәсіпорын қызметкерлерінің еліміздегі индустриялық бағдарламаның орындалуы жайында сұрақтарына жауап берген Мәжіліс Спикері тек биылдың өзінде елімізде 130 өндіріс орнын ашу жоспарланғанын мәлімдеді.
– Қазақстанда 2010-2014 жылдар аралығында 950 өндіріс орны құрылып, 250 мың жұмыс орны ашылады. Нәтижесінде елімізде 250-ден астам жаңа өнім пайда болады, – деді Н.Нығматулин.
Кентау трансформатор зауытының жұмысшылары Президент көрсеткен басымдықтардың бірі – инновациялық технология бағытын жедел дамыту өз өндірістерінде оң нәтиже беретініне сенімді.
Мәжіліс Төрағасының тағы бір жарқын жүздесуі М.Әуезов атындағы Оңтүстік Қазақстан мемлекеттік университетінің студенттерімен өтті. Осы оқу орнының студенттерін Елбасы Жолдауының ерекшеліктері мен оларды жүзеге асырудың нақты жолдары қызықтырды. Президенттің саясатын қолдау мақсатында университет студенттері алғаш болып «Мәңгілік Ел» қоғамдық жастар бірлестігін құру бастамасын қолға алған.
Мәжіліс Спикерімен әңгіме барысында оңтүстікқазақстандық жастар, сондай-ақ, ғылымға негізделген экономика, түлектерді жұмысқа орналастыру, жастар саясаты сияқты мәселелерге және соған лайық заңның қабылданар уақытын білуге құштарлық танытты. Н.Нығматулин бүгінде мәжілісмендер жастар саясатына арналған заң жобасын қабылдау жолында белсене жұмыс атқарып жатқанын, оның қабылдануы жастардың мүддесіне сай келетінін атап өтті.
Мәжіліс Төрағасы, «Нұр Отан» Саяси кеңесі бюросының мүшесі, партияның парламенттік фракциясының жетекшісі Н.Нығматулин бұл күні «Нұр Отан» партиясының облыстық филиалында қоғамдық қабылдау өткізді. Алыс ауданнан келген Әлайдар Әмірханов деген азамат Сарыағаштан Жетісайға шығатын бағыттағы көпірдің бүгінгі қиын жағдайын, бұл маңда үнемі көлік кептелегі болып, еркін қозғалуға қатты кедергі келтіріп жатқанын айтса, Ордабасы ауданының тұрғыны Замира Маханова «Бейнеу – Бозой» газ құбырының Темірлан елді мекеніне қашан келетініне қызығушылық білдірді. Ал бәйдібектік Ғабит Қапалбайдың мәселесі тіптен күрделі екен. Ақмешіт ауылындағы шаруа қожалығын басқаратын ол Боралдай өзені бойынан «Қостұра» су қоймасы құрылысының қашан басталатынын білгісі келді. Бұл су қоймасы пайдалануға берілсе, Бәйдібек ауданында суармалы жерлерді көбейтуге мүмкіндік артады.
Н.Нығматулин көпірді кеңейту мәселесінің шешілуі үшін бюджеттен 369 млн. теңге қаралғанын, жұмыс биыл басталатынын жеткізді. Ал 2015 жылдың соңына қарай «Бейнеу – Бозой – Ақбұлақ» газ құбыры облыстың 8 ауданы мен 254 ауылын көгілдір отынмен қамтамасыз етуге мүмкіндік береді. Сондай-ақ, «Қостұра» су қоймасын салуға 280 млн. теңге қарастырылған. Азаматтарды қабылдау барысында Мәжіліс Төрағасы екінші топтағы мүгедек Гүлжамал Бекболатовамен етене әңгімелесті. Оның ұлы да бала жастан мүгедек екен.
– Біз үшін Жолдаудың орны ерекше. Себебі, Елбасы мүмкіндігі шектеулі жандарға айрықша көңіл бөлді. Осындай қолдаудың арқасында біздің әрқайсымыз өз елімізге қажет екенімізді түсінеміз. Президенттің бұл қамқорлығы бізге ауадай қажет, – деді Г.Бекболатова.
– Елбасының биылғы Жолдауы бүкіл елімізге, халқымызға, соның ішінде Оңтүстік Қазақстан облысына да ерекше серпін беруде. Онда айтылған әрбір міндет жаңа өндіріске, әлеуметтік жағдайды жақсартуға, инновациялық бағдарламаларға, жаңа табыстарға жол ашады. Сондықтан, бұл Жолдауды орындауға әрбір азаматтың өз үлесін қосуы үшін мүмкіндіктер өте зор. Осының барлығы – біздің асыл мұратымыз, ұлы мақсатымыз «Мәңгілік Ел» болу жолындағы нақты қадамдардың бірі, – деп сөзін қорытқан Н.Нығматулин мүмкіндігі шектеулі Ерлан Бекболатқа қоларба сыйлады.
Оралхан ДӘУІТ,
«Егемен Қазақстан».
Оңтүстік Қазақстан облысы.
Кентау трансформатор зауытының өнімі бүгінде экономиканың түрлі салаларында: электр энергетикасы, металлургия, машина жасау, көлік, мұнай-газ кешені, тұрғын үй-коммуналдық секторларында кеңінен пайдаланылады. Заманға сай жоғары технологиялы құралдарды пайдалану арқасында шығарылған өнім сапалы әрі сенімді болып отыр. Н.Нығматулин зауыт жұмысшыларына Президент Жолдауының негізгі бағыттары туралы кеңінен әңгіме етіп, барлық қазақстандықтардың басты мақсаты – Елбасы жүктеген тарихи міндеттерді жүзеге асыруға белсене араласу екенін қадап айтты.
Мәжіліс Төрағасы аймақтың жалпы индустриялық әлеуетіне тоқтала келіп, аталған зауыттың жоғары технологияларды пайдалануға, өндірісті жаңғыртуға бағытталғанын тілге тиек етті. Айталық, 2013 жылы өндірістік өнім 552 миллиард теңгені құрады, бұл – 2012 жылмен салыстырғанда 2,3 пайызға жоғары.
Кәсіпорын қызметкерлерінің еліміздегі индустриялық бағдарламаның орындалуы жайында сұрақтарына жауап берген Мәжіліс Спикері тек биылдың өзінде елімізде 130 өндіріс орнын ашу жоспарланғанын мәлімдеді.
– Қазақстанда 2010-2014 жылдар аралығында 950 өндіріс орны құрылып, 250 мың жұмыс орны ашылады. Нәтижесінде елімізде 250-ден астам жаңа өнім пайда болады, – деді Н.Нығматулин.
Кентау трансформатор зауытының жұмысшылары Президент көрсеткен басымдықтардың бірі – инновациялық технология бағытын жедел дамыту өз өндірістерінде оң нәтиже беретініне сенімді.
Мәжіліс Төрағасының тағы бір жарқын жүздесуі М.Әуезов атындағы Оңтүстік Қазақстан мемлекеттік университетінің студенттерімен өтті. Осы оқу орнының студенттерін Елбасы Жолдауының ерекшеліктері мен оларды жүзеге асырудың нақты жолдары қызықтырды. Президенттің саясатын қолдау мақсатында университет студенттері алғаш болып «Мәңгілік Ел» қоғамдық жастар бірлестігін құру бастамасын қолға алған.
Мәжіліс Спикерімен әңгіме барысында оңтүстікқазақстандық жастар, сондай-ақ, ғылымға негізделген экономика, түлектерді жұмысқа орналастыру, жастар саясаты сияқты мәселелерге және соған лайық заңның қабылданар уақытын білуге құштарлық танытты. Н.Нығматулин бүгінде мәжілісмендер жастар саясатына арналған заң жобасын қабылдау жолында белсене жұмыс атқарып жатқанын, оның қабылдануы жастардың мүддесіне сай келетінін атап өтті.
Мәжіліс Төрағасы, «Нұр Отан» Саяси кеңесі бюросының мүшесі, партияның парламенттік фракциясының жетекшісі Н.Нығматулин бұл күні «Нұр Отан» партиясының облыстық филиалында қоғамдық қабылдау өткізді. Алыс ауданнан келген Әлайдар Әмірханов деген азамат Сарыағаштан Жетісайға шығатын бағыттағы көпірдің бүгінгі қиын жағдайын, бұл маңда үнемі көлік кептелегі болып, еркін қозғалуға қатты кедергі келтіріп жатқанын айтса, Ордабасы ауданының тұрғыны Замира Маханова «Бейнеу – Бозой» газ құбырының Темірлан елді мекеніне қашан келетініне қызығушылық білдірді. Ал бәйдібектік Ғабит Қапалбайдың мәселесі тіптен күрделі екен. Ақмешіт ауылындағы шаруа қожалығын басқаратын ол Боралдай өзені бойынан «Қостұра» су қоймасы құрылысының қашан басталатынын білгісі келді. Бұл су қоймасы пайдалануға берілсе, Бәйдібек ауданында суармалы жерлерді көбейтуге мүмкіндік артады.
Н.Нығматулин көпірді кеңейту мәселесінің шешілуі үшін бюджеттен 369 млн. теңге қаралғанын, жұмыс биыл басталатынын жеткізді. Ал 2015 жылдың соңына қарай «Бейнеу – Бозой – Ақбұлақ» газ құбыры облыстың 8 ауданы мен 254 ауылын көгілдір отынмен қамтамасыз етуге мүмкіндік береді. Сондай-ақ, «Қостұра» су қоймасын салуға 280 млн. теңге қарастырылған. Азаматтарды қабылдау барысында Мәжіліс Төрағасы екінші топтағы мүгедек Гүлжамал Бекболатовамен етене әңгімелесті. Оның ұлы да бала жастан мүгедек екен.
– Біз үшін Жолдаудың орны ерекше. Себебі, Елбасы мүмкіндігі шектеулі жандарға айрықша көңіл бөлді. Осындай қолдаудың арқасында біздің әрқайсымыз өз елімізге қажет екенімізді түсінеміз. Президенттің бұл қамқорлығы бізге ауадай қажет, – деді Г.Бекболатова.
– Елбасының биылғы Жолдауы бүкіл елімізге, халқымызға, соның ішінде Оңтүстік Қазақстан облысына да ерекше серпін беруде. Онда айтылған әрбір міндет жаңа өндіріске, әлеуметтік жағдайды жақсартуға, инновациялық бағдарламаларға, жаңа табыстарға жол ашады. Сондықтан, бұл Жолдауды орындауға әрбір азаматтың өз үлесін қосуы үшін мүмкіндіктер өте зор. Осының барлығы – біздің асыл мұратымыз, ұлы мақсатымыз «Мәңгілік Ел» болу жолындағы нақты қадамдардың бірі, – деп сөзін қорытқан Н.Нығматулин мүмкіндігі шектеулі Ерлан Бекболатқа қоларба сыйлады.
Оралхан ДӘУІТ,
«Егемен Қазақстан».
Оңтүстік Қазақстан облысы.
