![Алматы-Өскемен тас жолында жедел жәрдем көлігі жол апатына ұшырады](/media/2021/10/15/83757d3fb7b07a87d52ccb5576af7f29.jpg)
ЖКО 15 қазанда сағат 08:00 шамасында оңтүстік бағыттағы Алматы-Өскемен автожолының 19 шақырымында орын алды.
«Алдын ала мәліметтер бойынша, Lada Granta автокөлігінің 28 жастағы жүргізушісі маневр жасау кезінде рульді басқара алмай, ілеспе бағытта келе жатқан «Газель» автокөлігімен соқтығысуға жол берген. Одан әрі инерция бойынша Renault Duster автомашиналарымен және жедел жәрдем көлігімен соқтығысуға жол беріледі», деп хабарлады Алматы облысы ПД баспасөз қызметі.
Аталған дерек бойынша ҚР ӘҚБтК-нің 610-бабының 1-бөлігі бойынша әкімшілік іс қозғалды. Lada Granta айып тұрағына қамалды.