«Біздің әріптестеріміз, балалар құқығын қорғау жөніндегі төраға, балалар құқығын қорғау жөніндегі кеңесші бірден Түркістан облысына ұшып кетті. Бүгінгі таңда бесінші сынып оқушысының қайтыс болу фактісі бойынша тергеу жүргізілуде. Сот-медициналық сараптама тағайындалды. Нәтижелері бойынша тиісті шаралар қабылдайтын боламыз», деп сендірді Аймағамбетов.
Ол мектеп оқушыларының туыстарының сөздері қаншалықты шындыққа сәйкес келетінін және оның себебі неде екенін айтуға әлі ерте екенін айтты,
Сонымен қатар, оның айтуынша, білім беру және тәрбие процесі бойынша тексеру жүргізіліп, бірқатар өрескел бұзушылықтар анықталды.
«Түркістан облысының бірқатар білім беру ұйымдары бойынша да осындай фактілер бар. Оқу-тәрбие үдерісін ұйымдастыру бойынша үлкен бұзушылықтар бар екенін көрдік. Әрине, бұл бұзушылықтар үшін тергеудің нәтижесіне қарамастан құзыретті органдар тиісті шаралар қабылдайтын болады», деп түсіндірді министр.
Түркістан облысында бесінші сынып оқушысының қайтыс болуына Білім және ғылым вице-министрі Шолпан Каринова түсініктеме беріп, бұл факт белгілі болғаннан кейін БҒМ Балалардың құқықтарын қорғау Комитетінің өкілдері Түркістан облысына барып, бүгін сол жерде жұмыс істеп жатқанын атап өтті.
