Ақ желеңді абзал жандар үмітімізді ақтады, алғысымыз шексіз

«Ауру кәріге де, жасқа да қарамайды» деген рас екен. Өткен жылдың желтоқсан айында 15 жастағы баламыз Асхаттың жүрегі ауырып облыстық кардиологиялық орталыққа түскен еді. Оған балалар арасында көп кездеспейтін, отасыз жазылмайтын өте күрделі диагноз қойғанда тіптен қиналып қалдық. Орталықтағы дәрі­гер­лердің қандай ыждаға­т­ты­лық­пен бала­мыз­дың ау­руын анықтап, жан-тәнін са­лып емдеп, республикалық кар­дио­ор­та­лықпен байланыс жасай отырып, тез арада елор­даға жеткізудің шараларын қа­рас­тырды. Осы орайда, аталмыш кар­дио­орталықтың бас дәрігері Ақ­тілек Өмір­­баевқа, қабылдау бөл­месінің мең­ге­рушісі Эльмира Сүйеуғазиева, ем­деуші дәрігері Гүл­майра Асетова, басқа да осы орталықтың барлық дәрігерлері мен медбикелеріне алғы­сымыз шек­сіз екенін білдіре кетсек дей­міз. Дер кезінде санавиация ша­қыртып, баламызды Аста­надағы жетік ма­ман­дардың қолына тап­сыруға облыстық денсаулық сақтау басқармасының бастығы Кабиболла Ирменов ерекше үлес қосты. Еліміздің медицина са­ла­сы­ның шын мәнінде дамы­ға­нын, дәрігер­леріміз бен хирургтарымыздың ше­тел­дік мамандардан бірде-бір кем емес екеніне осы жолы көзіміз әбден жетті. Білгір маман, Еңбек Ері Юрий Пя басқарып отырған Ұлттық ғылы­ми кардиологиялық ор­та­лық мақ­та­нуға тұрарлық екен. Бар­­лық жағдай жасалған. Ма­мандары өте білгір және сондай қайырымды да қа­рапайым. Әсіресе, емдеуші дәрі­гері Люд­мила Мамежанова, аритмо­ло­гия бөлімінің меңгерушісі Аян Аб­драх­манов және Шалқар Смағұлов бір­неше шағын, бір күрделі ота жасады. Баламыз сауығып, қолымызға келді.  А.МҰХАМЕДРАХИМОВА.  Батыс Қазақстан облысы, Теректі ауданы.