Ақтөбеде заңсыз жұмыс істеген діни бірлестік анықталды

Ақтөбе облысында тәртіп сақшылары жекеменшік үйлердің бірін тексеру барысында заңсыз жұмыс істеп келген евангел христиан баптистері діни бірлестігін анықтады. Бұл туралы Gazeta.kz хабарлады. Облыстық прокуратураның баспасөз қызметінің мәліметіне жүгінсек, аталмыш бірлестік мемлекеттік тіркеуден өтпеген екен. Сол жекеменшік үйдің бір бөлігі діни рәсімдер мен жоралғылар өткізуге арналған. Қазір осы жерден алынған 43 діни кітап сараптамаға жіберілді. Бізге келіп түскен соңғы ақпарат көзінде тіркелмеген діни бірлестікке басшылық жасаған адамнан және осы діни бірлестікке қатысы бар кінәлі тұлғалардан жауап алынып жатқаны жазылған. Бұған байланысты Әкімшілік құқық бұзушылық туралы кодекстің 374-бабына сәйкес, айыбы дәлелденген азаматтарды жауапкершілікке тарту мәселесі қарастырылуда. Әмірхан Алмағанбетов. Дереккөз: Gazeta.kz. Фото: Gazeta.kz.