Мемлекет басшысының көмекшісі Ерлан Қарин «Жануарларға жауапкершілікпен қарау туралы» заң жобасының Мәжілісте қаралуына қатысты пікір білдірді, деп хабарлайды Egemen.kz.
«Бүгін Мәжілісте «Жануарларға жауапкершілікпен қарау туралы» Заң жобасы бірінші оқылымда қабылданды. Мемлекет басшысы бірнеше рет, әсіресе қоғамда резонанс тудырған жағдайлардан кейін жануарларға қатысты қатыгездікке жол бермеуге назар аударған еді. Жаңа заңның қажеттігі туралы Қасым-Жомарт Тоқаев өзінің 2020 жылғы Жолдауында айтты. Ол жануарларға қарым-қатынасты қоғам өркениетінің өлшемі деп атады», деп жазды Ерлан Қарин өзінің Telegram каналында.
Президент көмекшісі бұл мәселе Ұлттық қоғамдық сенім кеңесінің төртінші отырысында да жеке талқыланғанын еске салды. Әзірленген заң жобасы мемлекеттік органдардың, парламентарийлердің, Ұлттық кеңес мүшелерінің және сарапшылар мен азаматтық қоғам өкілдерінің бірлескен жұмысының нәтижесі болды.
«Заң жобасында жануарларға қатыгездікті насихаттауға тыйым салынады, оларды бағу ережелері егжей-тегжейлі жазылған. Арнайы норма жануарларды қолданып, қатыгез ойын-сауық жасауға тыйым салуға бағытталған. Жануарларды қорғаушылар бірнеше жыл бойы осы заңды әзірлеуге әрекет етті. Тұтастай алғанда, бұл заң жобасын қабылдау азаматтардың экологиялық мәдениетін көтеруге ықпал ететін болады», деп түйіндеді Ерлан Қарин.
Велошабандоз Евгений Фёдоров Азия чемпионы атанды
Спорт • Бүгін, 15:41
Төтенше жағдайлар министрі тағайындалды
Тағайындау • Бүгін, 15:18
Таиландқа қыдырып барған павлодарлық денге безгегін жұқтырып алған
Қоғам • Бүгін, 14:31
Мәулен Әшімбаев Мұсылман ақсақалдар кеңесінің бас хатшысымен кездесті
Саясат • Бүгін, 13:45
Үкіметте Абай облысындағы ірі табиғи өртті жою шаралары талқыланды
Саясат • Бүгін, 13:29
Абай облысында өрт сөндіру әлі де жалғасып жатыр
Аймақтар • Бүгін, 12:52
Ұқсас жаңалықтар
Онлайн 
