Оның айтуынша, кейбір ведомстволардағы цифрландыру жөніндегі вице-министрлер оларға сәйкес келмейтін жұмыстармен айналысты.
«Олар компьютерлік техниканы сатып алды, серверлерді сатып алу үшін техникалық сипаттамаларды жазады. Егер басшылықта интернетпен бірдеңе дұрыс болмаса, онда оны қамтамасыз ету цифрландыру жөніндегі вице-министрдің иығында болды. Шын мәнінде, цифрландыру жөніндегі вице-министр цифрлық трансформацияны ілгерілетумен айналысуы тиіс», деді Бағдат Мусин ОКҚ брифингінде.
Ол автоматтандыру мен цифрлық трансформация жұмыстарының арасындағы айырмашылықты түсіндірді.
«Бізге әдістемелік тапсырмалар берілген кезде біз автоматтандырумен айналыстық. Мысалы, жер қойнауын пайдалануға лицензия немесе құқық беру. Бұл құқық заңнамалық актілерде және тиісті нұсқаулықтарда сипатталған. Жетекшілік ететін салалық вице-министр немесе салалық департамент оны автоматтандыру керек деп сипаттады, содан кейін IT мамандары оны қызметке алды және осы процестерді автоматтандырды. Біз қолданыстағы нормативтік-құқықтық актілерді негізге алып, бизнес-процестерді автоматтандырумен айналыстық», деп түсіндірді цифрландыру министрі.
Мысалы, банктермен жұмыс жасаудың арқасында автокөлік сату, автокөлікті тіркеу бойынша онлайн-сервис пайда болды. Министрдің айтуынша, мұның барлығы цифрлық трансформация. Мәселен, бүгінгі таңда автокөліктердің 36%-ы онлайн режимде қайта рәсімделген, адамдар ХҚКО-ға бармайды.
Немесе мүгедектігі бар адамдарға мүгедектік алу үшін кем дегенде төрт орынға бару керек болды. Енді олар емханаға бір рет қана барса жеткілікті, Себебі медицина қызметкерлері барлық деректерді базаға енгізіп, процессті онлайн өткізеді.
«Цифрлық трансформация - бұл барлық процестерді қайта қарау. Бүгін бар нәрсені автоматтандырудың қажеті жоқ. Президент цифрландыру жөніндегі әрбір вице-министрдің салаға еніп, сыбайлас жемқорлық көріністері және тәуекелдермен қазіргі жағдайды өзгертуге көмектесетін инновацияларды ұсынуы да осыны күтеді. KPI біздің ұлттық жобадан шығатын болады. Біз барлығын енгізіп, әрбір вице-министрдің алдына қоямыз», деп түйіндеді Мусин.
