Күнделікті өмірде өз-өзімді тәрбиелеп, алдыма мақсат қойдым. Мен есірткісіз өмірді таңдадым. Сол мақсатқа жету үшін адами құндылықтарды бағалай отырып, «өз өмірім өзіме құнды» деген қағиданы басты назарда ұстаймын.
Өмір – көпір, от үстіне салынған,
Діңгектері зәндем отқа малынған.
Қорқу білме, аяқтарың таймасын,
Ойнап отпен, шарпу көрме жалыннан!
Бір-ақ рет берілетін баға жетпес қымбат сыйды маған сыйлаған кім?…
Әрине маған осындай баға жетпес сый сыйлаған ең қымбат адамдарым – ол менің ата-анам. Сондықтан мен оларды ренжітпеуім керек. Себебі, біріншіден ол маған “өмір” сыйлады, жарық дүниені көрсетті, мені өсірді, түн ұйқысын төрт бөліп, аялады. Мен анам сыйлаған өмірді лайықты сүруге тиіспін.
Ғажайып өмір! Сұлулық пен үйлесімділікті талап ететін тәтті өмір! Адам мен адамгершілікті қалайтын тамаша өмір! «Өмір» шынымен де тәтті, ғажап, тамаша. Алайда осы сұлулықты, ғажап өмірдің қадірін түсінбейтіндер көп қой. Қайталанып келмейтін, Алланың берген сыйын адамгершілік, имандылықпен неге өткізбеске?
Дегенмен, әркімнің арманы әртүрлі екен. Түрлі ақпарат көздерінен аңғарсам, «есірткі» мәселесінің қаншалықты ауыр екендігін білдім. Бұл тақырыптағы мәліметтерде нашақорлық ауруына душар болғандардың жан түршігерлік көріністері және ондай жағдайға есірткінің кесірінен өзін-өзі жеткізгендігіне куә болдым. Нашақорларға анасы да, достары да, оқуы да қажет емес екен. Олардың бүкіл әлемі – есірткі.
Мен қазір жер бетінде "нашақорлық" деп аталатын зұлымдық жайлаған уақытта өмір сүрудемін. Бұл ауру – ағзасының ауыр психикалық және физикалық бұзылуына әкеп соқтыратын есірткі қолдануға құмарлық. Алайда көпшілікті "қорқыныш" сезіміне баулитын заттар, жас балаларды қызықтырып, көбісінің өміріне «балта шабады».
Неліктен адамдар нашақорға айналады? Оларды нашақорлыққа мәжбүрлейтін не! Мұнда қорқынышты алдау жатыр. Есірткі сатушылар үлкен пайда табады, оларға сатып алушылар қажет, ал нашақорлар есірткі үшін кез-келген ақшаны беруге дайын. Сондықтан, жаңадан бастаушыларға бұл улану тегін ұсынылады. Бұл індет жақсы өмірге ешкімді жеткізбегенін түсінген адам ғана өзін батыл деп санай алады.
Есірткі - зұлым! Әрбір саналы адам мұны түсінеді. Ең бастысы – дер кезінде «жоқ» деп айту. Адамның мықты ішкі өзегі болу керек! Күшті рух болу қажет! Адам – жеке тұлға, ал жеке тұлға өзінің даралығын көрсете білу керек! Есірткіге жол жоқ! Дана бол! Өмір керемет! Мен өмірді қалаймын! Есірткісіз ғажайып өмірді қалаймын.
Өмірде бәрі де өткінші.
Өмір — сенің мүмкіндігің, пайдалана біл;
Өмір — сұлулық, сүйсіне біл;
Өмір — арман, жүзеге асыр;
Өмір — парыз, орындай біл;
Өмір — ойын, ойнай біл;
Өмір — байлық, бағалай біл;
Өмір — махаббат, ләззат ала біл;
Өмір — құпия, сырын аш;
Өмір — қайғы, көтере біл;
Өмір — күрес, жеңе біл;
Өмір — бақыт, баянды ете біл.
Өмір сынынан сүрінбей өту – әр адамзаттың басты парызы. Мен аңсаған арманыма жету үшін өмір бойы күресемін. Сені де ғажайып өмірге шақырамын.
Айым Мырзаханқызы,
№50 Абай атындағы орта мектеп оқушысы.
Шиелі ауданы.
