Бокс • 30 Қазан, 2021

Екі боксшымыз кезекті жекпе-жекте жеңіске жетті

574 рет
көрсетілді
1 мин
оқу үшін

Сербия астанасы Белград қаласында өтіп жатқан әлем чемпионатында қазақ боксшылары ойдағыдай нәтижелерге қол жеткізіп жатыр, деп хабарлайды Egemen.kz.

Екі боксшымыз кезекті жекпе-жекте жеңіске жетті

Бүгін ұлттық құрама сапынан бірінші болып рингке көтерілген 48 кило салмақтағы Теміртас Жүсіпов сербиялық Омер Аметовичті 4:1 есебімен жеңіп, ширек финалға жолдама алды. Теміртас енді бір жекпе-жекте жеңіске жетсе кемінде қола жүлдегер атанады.

Теміртастың жеңісті жолын 75 кило салмақтағы Нұрқанат Райыс сәтімен жалғастырды. 21 жасар былғары қолғап шеберіміз молдовалық Влад Гаврилычтан айласын асырды.