ШҚО Полиция департаменті баспасөз қызметінің мәліметіне сүйенсек, Риддер қалалық табиғат қорғау полициясының қызметкерлері «Браконьер» жедел алдын алу шарасы барысында Нұр-Сұлтан қаласының 4 тұрғынын ұстады. Олар 34 түп сібір шыршасын тамырымен заңсыз қазып алған.
Анықталғандай, елордалықтарды Риддер қаласының 53 жастағы тұрғыны шақырған. Ер адам оларға сібір шыршасын астанаға алып кету үшін көмек көрсетті.
«Қазіргі уақытта аталған факті бойынша ҚР ҚК-нің 188-бабы 2-бөлігіне сәйкес сотқа дейінгі тергеу амалдары басталды. Заттай дәлелдемелер алынған. Мемлекетке келтірілген залал мөлшері анықталуда», деді облыстық ПД бастығы Сағат Мәдиев.
Күдіктілер 5 жылға дейінгі мерзімге бас бостандықтарынан айырылуы мүмкін.
