Коронавирус • 04 Қараша, 2021

Қазақстан коронавируспен сырқаттану көрсеткіші бойынша қай орында

199 рет
көрсетілді
1 мин
оқу үшін

ҚР Денсаулық сақтау министрінің бірінші орынбасары Марат Шоранов Үкімет отырысында Қазақстанның эпидахуал бойынша әлем елдерінің арасында қай орында тұрғанын атады, деп хабарлайды Egemen.kz.

Қазақстан коронавируспен сырқаттану көрсеткіші бойынша қай орында

«Әлемде КВИ-дің 248 миллионнан астам жағдайы тіркелген. Тәулігіне 300 мыңнан астам жағдай тіркеледі. 5 миллионнан астам адам қайтыс болды. Дүниежүзілік денсаулық сақтау ұйымының Еуропа өңірінің деректері бойынша соңғы екі аптада 53 елдің 45-інде сырқаттанудың өсуі байқалады», деді Марат Шоранов.

Вице-винистрдің дерегі бойынша, соңғы 14 күнде сырқаттану деңгейі Мажарстанда барынша ұлғайған.

«Бұл елде ауру 230 пайыздан артық, Польшада – 200 пайыздан артық, Аустрияда – 100 пайыздан артық, Әзербайжан және Германияда 80 пайыздан артық өскен. Сырқаттанудың өсуі Еуропаның 9 елінде төмендеді. Оның ішінде Израильде 57 пайыз, Түркияда 9 пайыз, Испанияда 7 пайыз кеміген. Қазақстанда соңғы екі аптада ауру 11 пайыз төмендеді. Әлемдік рейтингке сәйкес 222 елдің ішінде Қазақстан сырқаттану көрсеткіші бойынша 105 орында, өлім көрсеткіші бойынша 102 орында тұр», деді вице-министр.