![Қазақстан мен Ресейдің көлік саласындағы ынтымақтастығы талқыланды](/media/2021/11/04/crop-11_4_251x459_102354742200.jpg)
Ресей Федерациясының Көлік министрлігінде Индустрия және инфрақұрылымдық даму вице-министрі Берік Камалиев РФ Көлік министрінің орынбасары Игорь Чаликпен кездесті.
Кездесу барысында азаматтық авиация, автомобиль көлігі саласындағы екіжақты ынтымақтастық мәселелері, өткізу тіректерінің ағымдағы жұмысы талқыланды. Сондай-ақ Қазақстан Республикасының Индустрия және инфрақұрылымдық даму министрлігі мен Ресей Федерациясы Көлік министрлігі арасында екі елдің теңіз порттары арқылы мультимодальдық транзиттік бағыттарды дамыту жөнінде бірлескен іс-қимыл бағдарламасының жобасы талқыланды.
Бұдан басқа, елдер арасындағы әуе рейстері санын арттыру мүмкіндіктері қаралды.
Сондай-ақ, Ресейдің Simetra компаниясының өкілдерімен кездесу ұйымдастырылып, қазақстандық делегация Ресейдің ірі қалаларының ұлттық моделімен және көлік модельдерімен танысты.