Республикамыздың жекелеген аймақтарында жолдар жабылды

Бүгін, 21 ақпан күні еліміздің барлық өңірлерінде ауа райының тұрақсыздығы сақталады. Бұл туралы «Астана» телеарнасы хабарлады. Жел,ақ түтек боран және көктайғақ болады деп күтілуде. Ал бұл мұның салдарынан жол қатынасы қиындай түседі. Кеше түнде құтқарушылар 105 көлік пен 135 адамды қауіпсіз жерге көшірген екен. Бір ғана Ақтөбе облысының «Ақтөбе-Астрахань» тас жолында 60 көлік, оның ішінде бір автобус жолда қалып қойған. Осыған орай, аталған өңірдегі көлік қозғалысына шектеу қойылды. Сондай-ақ, Алматы облысындағы «Сарыөзек-Көктал» тас жолының 40-95 шақырымы жабылды. «Алматы-Өскемен» тас жолында ауыр жүк машиналарына жүруге тыйым салынды. Аталған жолдардың жабуылына байланысты, төтенше жағдайлар департаментінің қызметкерлері республика тұрғындарына сақтық шараларына мұқият болу керектігін ескертеді. Әмірхан Алмағанбетов. Дереккөз: «Астана» телеарнасы. Фото: Inform.kz.