Қазақстан • 16 Қараша, 2021

Екі өңірде 25 градусқа дейін аяз күтіледі

369 рет көрсетілді

Шығыс Қазақстан және Қарағанды облыстарында 25 градусқа дейін аяз күтіледі, деп хабарлайды Egemen.kz.

«Қазгидромет» РМК хабарлағандай, 17 қарашада оңтүстікте, шығыста, орталықта, 18 қарашада Қарағанды облысының басым бөлігінде қар, боран, көктайғақ күтіледі.

Облыстың батысы мен солтүстігінде тұман түседі. Солтүстік-шығыстан оңтүстік-батысқа ауысатын жел 17 қарашада оңтүстікте, шығыста, облыс орталығында 15-20 м/с, күндіз облыстың оңтүстігінде екпіні 23-28 м/с, кейде 30 м/с және одан да көп болады.

19 қарашада ауа температурасының күрт төмендеуі түнде 17-22, облыстың солтүстік-шығысында 25, күндіз 10-15, облыстың солтүстік-шығысында 18 аязға дейін күтіледі.

18 қарашада Шығыс Қазақстан облысында қар жауады, түнде облыстың солтүстігінде қатты қар жауады. Облыстың оңтүстігінде, солтүстік-шығысында боран соғады.

Оңтүстік-батыстан солтүстік-батысқа ауысатын жел 15-20 м/с, облыстың оңтүстігінде, солтүстік-шығысында екпіні 23-28 м/с, кейде 30 м/с және одан да көп.

19 қарашада ауа температурасының күрт төмендеуі түнде 17-22, облыстың солтүстік-шығысында 25, күндіз 13-18, облыстың солтүстік-шығысында 22 аязға дейін күтіледі.

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар