Он жылға жуық уақыттан бері медициналық құрал-жабдықтармен, жиһаз өндірумен және оларды сатумен айналысып келе жатқан «Қазмедприбор» компаниясы бүгінде елімізге кеңінен танымал. Жақында «Қазмедприбор» Дубай қаласында өткен халықаралық «Arab Health - 2014» көрмесіне қатысып қайтты. Бұл көрме Таяу Шығыс елдерінің медицина саласында үлкен орын алады және отыз бес жылдан бері ұйымдастырылып келеді.
Айта кету керек, көрме жұмысына Қазақстан атынан қатысқан осынау жалғыз компанияның әлемнің алпауыт өндіруші кәсіпорындарымен иық тірестіріп өз өнімін халықаралық деңгейде ұсынуы, әрине, «Казмедприбордың» қазіргі медицина саласы нарығында атқарып келе жатқан нәтижелі және сапалы еңбегінің көрінісі екені анық. Төрт күнге созылған көрме жұмысында қазақстандық тауарларды әлемнің 30 елінен келген 15 мыңнан астам адам тамашалады. Сөйтіп, «Қазмедприбор» Италия, Пәкістан, Сирия, Оңтүстік Корея секілді елдердің ірі компанияларымен келісімшартқа отыруға қол жеткізді. Сондай-ақ, көршілес Ауғанстан, Тәжікстан, Өзбекстан, сонымен қатар, Үндістан, Сирия, Иран және тағы да басқа елдерге экспортқа тауар шығару ұсыныстары талқыланды. Аталмыш елдердің өкілдері бұл кәсіпорын өнімдерінің сапасына қызығушылық танытып, бірқатар тиімді ұсыныстар жасады.
– Біз медицина құрал-жабдықтарын шығару, жедел жәрдем көліктерін жабдықтау бағытындағы өте ауыр жұмысты қолға алғанбыз. Бірақ, қажырлы еңбегіміздің арқасында осынау отандық өнімдерді жоғары деңгейге жеткізе білдік. Осы дүбірлі көрмеге қатысуымыздың өзі біздің компанияның осы саладағы табысты еңбегінің бір көрінісі екені даусыз, – дейді «Қазмедприбор» компаниясының президенті Рахат Байзақов.
Аталмыш көрмеде еліміздің БАӘ-дегі елшісі Асқар Шоқыбаев компания өнімдерімен танысып, Қазақ елінің қарыштап дамып келе жатқан медицина саласына үлкен үлес қосып жүрген «Қазмедприбордың» алға қойған мақсаттарына, жұмысына сәттілік тіледі.
Әлемнің 145 елінен келген 85 мың қатысушы тамашалаған көрмеде кәсіпорын мен оның басшысы ұйымдастырушылар тарапынан алғыс хатқа ие болды. Сапалы өнім мен қызмет ұсынуды мақсат еткен «Қазмедприбор» компаниясының алар асуы әлі де алда екеніне сенім мол.
Оралхан ДӘУІТ,
«Егемен Қазақстан».
Оңтүстік Қазақстан облысы.
Айта кету керек, көрме жұмысына Қазақстан атынан қатысқан осынау жалғыз компанияның әлемнің алпауыт өндіруші кәсіпорындарымен иық тірестіріп өз өнімін халықаралық деңгейде ұсынуы, әрине, «Казмедприбордың» қазіргі медицина саласы нарығында атқарып келе жатқан нәтижелі және сапалы еңбегінің көрінісі екені анық. Төрт күнге созылған көрме жұмысында қазақстандық тауарларды әлемнің 30 елінен келген 15 мыңнан астам адам тамашалады. Сөйтіп, «Қазмедприбор» Италия, Пәкістан, Сирия, Оңтүстік Корея секілді елдердің ірі компанияларымен келісімшартқа отыруға қол жеткізді. Сондай-ақ, көршілес Ауғанстан, Тәжікстан, Өзбекстан, сонымен қатар, Үндістан, Сирия, Иран және тағы да басқа елдерге экспортқа тауар шығару ұсыныстары талқыланды. Аталмыш елдердің өкілдері бұл кәсіпорын өнімдерінің сапасына қызығушылық танытып, бірқатар тиімді ұсыныстар жасады.
– Біз медицина құрал-жабдықтарын шығару, жедел жәрдем көліктерін жабдықтау бағытындағы өте ауыр жұмысты қолға алғанбыз. Бірақ, қажырлы еңбегіміздің арқасында осынау отандық өнімдерді жоғары деңгейге жеткізе білдік. Осы дүбірлі көрмеге қатысуымыздың өзі біздің компанияның осы саладағы табысты еңбегінің бір көрінісі екені даусыз, – дейді «Қазмедприбор» компаниясының президенті Рахат Байзақов.
Аталмыш көрмеде еліміздің БАӘ-дегі елшісі Асқар Шоқыбаев компания өнімдерімен танысып, Қазақ елінің қарыштап дамып келе жатқан медицина саласына үлкен үлес қосып жүрген «Қазмедприбордың» алға қойған мақсаттарына, жұмысына сәттілік тіледі.
Әлемнің 145 елінен келген 85 мың қатысушы тамашалаған көрмеде кәсіпорын мен оның басшысы ұйымдастырушылар тарапынан алғыс хатқа ие болды. Сапалы өнім мен қызмет ұсынуды мақсат еткен «Қазмедприбор» компаниясының алар асуы әлі де алда екеніне сенім мол.
Оралхан ДӘУІТ,
«Егемен Қазақстан».
Оңтүстік Қазақстан облысы.
