Ақтөбе облысында бір тәулікте 18 адамнан коронавирус инфекциясы анықталды. Оның 15-і дерттің симтомды түріне шалдыққан. Облыстық денсаулық сақтау басқармасы басшысының орынбасары Бекболат Ізбасаровтың айтуынша, қазір COVID-19 жұқтырған 24 баланың бәрі амбулаторды түрде ем қабылдап жатыр. Ал екі жүкті әйел аурханада, дәрігерлер бақылауында.
«Ақтөбе облысына Pfizer вакцинасының 40 мың дозасы жеткізілді. Қазір емханаларға үлестіріліп жатыр. Балаларды, жүкті әйелдерді, бала емізетін аналарды вакцинациялау басталды деп айтуға болады. Ата-аналарға түсіндіру жұмыстары да қатар жүргізіліп жатыр. Әзірге нақты санын айта алмаймыз», деді Бекболат Ізбасаров.
Айтып өтейік, бүгінде Ақтөбеде 147 адам инфекциялық стационарларда ем қабылдап жатыр. Оның 16-ы жақсақтау бөлімінде. Екеуі өкпені жасанды желдету аппаратына қосылған. Бүгінгі күнге дейін облыста 34 мыңнан астам COVID-19 жұқтырса, оның 98,1% жазылып шықты.
