Қоғам • 24 Қараша, 2021

Журналистердің құқығын қорғау министрліктің бақылауында

123 рет көрсетілді

Қазақстан Республикасы Ақпарат және қоғамдық даму министрлігі жария талқылау және барлық мүдделі орталық және жергілікті мемлекеттік органдармен келісу рәсімінен кейін «Журналистердің құқықтары бұзылған жағдайда олардың құқықтарын қорғау регламентін» ресми сайтта орналастырды, деп жазады Egemen.kz.

Регламентте журналистердің, мемлекеттік органдардың құқықтары мен міндеттері және журналистердің құқықтары бұзылған жағдайдағы Министрліктің іс-әрекеттері көзделген.
Регламенттің негізгі мақсаты журналистердің құқықтары бұзылған жағдайда олардың құқықтарын қорғаудың қосымша тетіктерін әзірлеу болып табылады. Регламент мемлекеттік органдар мен БАҚ өкілдері үшін ақпараттық-түсіндіру сипатындағы әдістемелік құрал болып табылады.
Министрлік үшін журналистердің құқықтарын қорғау маңызды басымдық болып қала береді, сондықтан бұл мәселе әрқашан Министрліктің ерекше бақылауында болады. Журналист өз құқықтарының бұзылу фактісі анықталған жағдайда, мәселені шешуге көмек көрсету үшін Министрлікке жүгінуге құқылы. Журналистерден келіп түскен барлық өтініштерді қарау барысы ҚР Ақпарат және қоғамдық даму министрінің тұрақты бақылауында.
Регламентпен көрсетілген сілтеме бойынша танысуға болады: https://www.gov.kz/memleket/entities/qogam/documents/details/237031?lang=kk 

Соңғы жаңалықтар

Айбергенов күнделігі

Әдебиет • Кеше

Кофе және әдебиет - 6

Әдебиет • Кеше

Жасанды интеллект дәуірі

Технология • Кеше

Ұқсас жаңалықтар