Отандық шаруаларды не қызықтырады?

«Қазагромаркетинг» АҚ-тың мәліметі бойынша, отандық шаруаларды қызықтыратын басты ақпарат – бұл ауылшаруашылық өндірісін несиелеу мен субсидиялау бағдарламалары. Қазагромаркетингтің сall-орталығына хабарласқан шаруалар дәл осы сауалдарды жиі қояды. 2013 жылдың қорытындылары бойынша байланыс орталығының операторлары 1200-ге жуық қоңы­рауға жауап берген, сауалдардың 500-і мал шаруашылығы мен өсімдік шаруашылығына несие алу мен техника лизингіне қатысты болған. Сонымен қатар, қоңырау шал­ған­дардың арасында «Агробиз­нес-2020» бағдарламасы аясында несиелер мен техника лизингін арзандату жайындағы ақпарат жоғары сұранысқа ие болды. Мұнымен қоса қазақстандық агроөнеркәсіп субъектілері өсімдік және мал шаруашылықтарына субсидия алу шарттары турасындағы және аграрлық салаға қажетті құ­рал-жабдықтарды, арнайы хи­миялық заттарды, тағы басқа ке­рек-жарақтарды сататын кәсіп­орындар туралы ақпаратқа мұқ­таж екендігі анықталды. Айта кетер­лігі, «Қазагромаркетинг» АҚ-тың еліміздің түкпір-түкпіріндегі өкіл­діктері аграрлық саладағы бар­лық компаниялар туралы ақпаратты жинап, кең ауқымды дерек қорын жасап шығарған болатын. Естеріңізге салатын болсақ, «Қазагромаркетинг» АҚ-тың сall-орталығы 2008 жылы құрылған. Бұл желі арқылы ауылшаруашылық тауар өндірушілері аграрлық саланы мемлекеттік қолдау шаралары жөніндегі ақпаратты біліп, «ҚазАгро» холдингінің еншілес кәсіпорындары беретін жеңілдетілген несиелер турасындағы мәліметтермен қаны­ға алады. Сонымен қатар, агроөнеркәсіп кешені үшін қажетті барлық материалдық-техникалық ресурстар мен қызмет түрлерін ұсы­на­тын жекеменшік компаниялар жөніндегі ақпарат жайында хабардар болу мүмкіндігі де қарастырылған. Айта кетерлігі, бұл желіге кез келген оператордың ұялы нөмірі­нен және еліміздің кез келген айма­ғындағы стационарлық телефоннан тегін хабарласуға болады. Желі­­ні құрудағы басты мақсат – шаруа­лардың ақпараттық-кеңістік қызметтерге деген қолжетімділігін арттыру. Былтырдан бері желіге келіп түскен сауалдар күрт артқан. Мұның себебі, Ауыл шаруашылығы министрлігі және «ҚазАгро» хол­дингі тарапынан қарастырылған мемлекеттік қолдау құралдарының артуы, желі туралы ақпараттың шаруаларға көптеп жеткізілуінде. Байланыс орталығына хабар­ласқандар қазақ-орыс тілдерінде ақпарат ала алады. Желі оператор­ларының мәліметі бойынша, хабараласушылардың 80%-дан астамы сауалдарын мемлекеттік тілде жолдайды. Былтырғы мәліметке сүйенсек, желіге ең көп хабарласатын аймақтар – ол Алматы, Оңтүстік және Шығыс Қазақстан облыстары. «Егемен-ақпарат».