Аймақтар • 26 Қараша, 2021

Синтетикалық есірткі өндірген алматылық 10 жылға сотталды

114 рет көрсетілді

Синтетикалық есірткі өндірісімен айналысқан алматылық 10 жылға бас бостандығынан айырылды, деп хабарлайды Egemen.kz.

Алматы қалалық сотында хабарланғандай, Ш. есімді күдікті интернет арқылы мефедрон дайындау үшін реагенттері бар конструкторға тапсырыс берді.  Саты алынған компоненттерді 4 күнге жалға алған пәтерге алып келіп, одан әрі сату үшін психотроптық заттарды дайындай бастады.

«Жедел іздестіру іс-шараларының нәтижесінде Алматы қаласы полиция департаментінің есірткі бизнесіне қарсы іс-қимыл басқармасының қызметкерлері жалға алынған пәтерді тінту барысында психотроптық заттарды өндіруге арналған жабдықтар ғана емес, салмағы 196,22 грамм мефедрон есірткісін де тауып тәркіледі», делінген сот хабарламасында.

Қалалық сотта түсіндірілгендей, мұндай қылмыс үшін ҚК-нің 297-бабының 3-бөлігінің санкциясы он жылдан он бес жылға дейінгі мерзімге бас бостандығынан айыру жазасын қарастырады.

«Алматы қаласының қылмыстық істер жөніндегі мамандандырылған ауданаралық сотының психотроптық затты өткізу мақсатында заңсыз дайындағаны, аса ірі мөлшерде сақтағаны үшін сотталғанға қатысты (ҚК-нің 297-бабының 3-бөлігі 3-тармағы) 10 жылға бас бостандығынан айыру үкімін апелляциялық саты өзгеріссіз қалдырды. Сотталушының жеке басын түзеу, жаңа қылмыстық құқық бұзушылықтар жасаудың алдын алу үшін қажетті және жеткілікті, оның жеке басы, іс-әрекеттің сипаты мен қоғамдық қауіптілік дәрежесі туралы деректерді ескере отырып, 10 жыл бас бостандығынан айыру түріндегі жаза тағайындалды», деп нақтылады сотта.

Іс апелляциялық сатыда сотталған адамның және оның адвокатының апелляциялық шағымдары бойынша қаралды. Сот үкімі күшіне енді.

Соңғы жаңалықтар

2186 адам коронавирустан жазылып шықты

Коронавирус • Бүгін, 09:30

Елорда «жасыл» аймаққа өтті

Коронавирус • Бүгін, 09:13

1/16 финалға шыға алмады

Теннис • Бүгін, 08:45

«Реал» – Суперкубок иегері

Футбол • Бүгін, 08:40

Андеркардта күш сынасады

Спорт • Бүгін, 08:37

«Алтын тай» Аягөздің еншісінде

Аймақтар • Бүгін, 08:32

Ұқсас жаңалықтар