Қайғылы оқиға Келес ауданына қарасты Ұшқын ауылындағы жеке тұрғын үйде орын алды. 28 қараша күні сағат 12:30 шамасында «112» қызметіне хабарласқан жергілікті тұрғын жеке тұрғын үйден 4 адамның, оның ішінде 1 кәмелеттік жасқа толмаған баланың мәйіті жатқандығы туралы айтқан.
«Үй ішінде өрт болғаны байқалмайды. Үйде табиғи газбен жылыту жабдығы орнатылған. Пеш қатты отынмен жұмыс істеуге арналған, табиғи газбен жылытуға қайта жабдықталған. Қазіргі таңда оқиғаның мән-жайы анықталуда», деді ТЖД баспасөз қызметі.
Алдын ала мәлімет бойынша, 49, 47 жастағы ағайынды жігіттер, тұлғасы анықталмаған әйел және 3-4 жас шамасындағы ер бала көз жұмған.
