Коронавирус пен пневмониядан тағы 13 адам қайтыс болды

27 қарашада оң ПТР талдауымен (КВИ+) 11 адам коронавирустан қайтыс болды, ПТР сынамасы (КВИ-) теріс коронавирус белгілері бар пневмониядан тағы екі науқас көз жұмды.

29 қарашадағы жағдай бойынша 26 991 адам КВИ (23 396+ және 3595 КВИ-) бойынша ем алуды жалғастырып жатыр, оның ішінде 5 809 науқас стационарда, 21 182 науқас амбулаторлық деңгейде.

КВИ+, КВИ- шалдыққандардың арасында:
• 396 адамның жағдайы ауыр,
• 119 пациенттің жағдайы өте ауыр,
• 75 науқас жасанды тыныс алу аппаратында жатыр.