Қазақстан • 30 Қараша, 2021

Синоптиктер жауын-шашынсыз ауа райын болжады

235 рет
көрсетілді
1 мин
оқу үшін

«Қазгидромет» РМК синоптиктері 1 желтоқсанда ауа райы қандай болатынын айтты, деп хабарлайды Egemen.kz.

Синоптиктер жауын-шашынсыз ауа райын болжады

Метеорологтардың мәліметінше, республиканың басым бөлігінде антициклонның әсерінен жауын-шашынсыз ауа райы сақталады.

Алайда, кей жерлерде тұман, көктайғақ, желдің күшеюі күтіледі.

Батыс Қазақстан облысының солтүстігінде тұман, көктайғақ күтіледі, батыста, солтүстік-батыста жел 15-20 м/с күшейеді.

Атырау облысының солтүстік-батысында және орталығында тұман түседі, күндіз облыстың батысында 15-20 м/с жел күшейеді.

Маңғыстау облысының батысында тұман күтіледі, орталықта жел 15-20 м/с күшейеді.

Ақтөбе облысының батысында түнде көктайғақ, бұрқасын күтіледі, облыстың батысында, солтүстігінде және орталығында жел 15-20 м/с күшейеді.

Қостанай облысында жел 15-20 м / с күшейеді, Облыстың батысы мен солтүстігінде көктайғақ, тұман, төменгі бұрқасын күтіледі.

Солтүстік Қазақстан, Ақмола облыстарының солтүстік-батысында 15-20 м / с жел тұрады, күндіз Солтүстік Қазақстан облысында боран соғып, көктайғақ болады.

Қызылорда облысының солтүстігінде, Жамбыл облысының таулы және тау бөктерінде тұман түседі.

Алматы облысының Алакөл көлдерінде желдің жылдамдығы 18-23, екпіні 28 м/с жетеді.

Нұр-Сұлтанда көшпелі бұлт шығады, жауын-шашынсыз болады деп болжануда.

Ауа температурасы түнде-16-18°С, күндіз-3-5 °С.

Алматыда күн ала бұлтты, жауын-шашынсыз.

Ауа температурасы түнде 0°С, күндіз +8+10°С.

Шымкентте көшпелі бұлт шығады, жауын-шашынсыз болады.

Ауа температурасы түнде +1+3°С, күндіз +18+20°С.

Соңғы жаңалықтар

Су үнемдейтін қондырғы

Технология • Кеше