Үкімет • 01 Желтоқсан, 2021

Асқар Мамин қазақстандықтарды Тұңғыш Президент күнімен құттықтады

73 рет көрсетілді

ҚР Премьер-Министрі Асқар Мамин қазақстандықтарды Қазақстан Республикасының Тұңғыш Президенті күнімен құттықтады, деп жазады Egemen.kz.

ҚР Премьер-Министрі Асқар Мамин қазақстандықтарды Қазақстан Республикасының Тұңғыш Президенті күнімен құттықтады.

«Құрметті қазақстандықтар, сіздерді Тұңғыш Президент күнімен құттықтаймын!

Тәуелсіздіктің 30 жылында ҚР Тұңғыш Президенті – Елбасы Нұрсұлтан Әбішұлы Назарбаевтың бастамасымен әлеуметтік-экономикалық және қоғамдық-саяси реформалардың уақытылы әрі тиімді жүзеге асырылуының арқасында Қазақстан өзінің даму жолында елеулі серпіліс жасады.

Бүгінгі таңда Қазақстан – экономикасы қуатты, Конституциясы озық, тиімді билік институттары бар, мемлекеттік шекарасы толықтай халықаралық тұрғыда ресімделген орнықты және прогрессивті мемлекет ретінде қалыптасты деп нық сеніммен айтуға болады.

Аймақтың заманауи экономикалық, әлеуметтік және мәдени орталығына айналған Нұр-Сұлтан қаласы бой көтерді.

Елбасы экономиканың одан әрі тұрақты өсуін қамтамасыз етуге және халықтың тұрмыс сапасын арттыруға жол ашатын Қазақстан дамуының жаңа кезеңінің іргетасын қалап, стратегиялық бағытын айқындады.

Барлық қазақстандыққа зор денсаулық, татулық пен амандық тілеймін», делінген Үкімет басшысының құттықтауында.

 

 

Соңғы жаңалықтар

Доллар қымбаттады

Экономика • Бүгін, 15:54

Ұқсас жаңалықтар