Бұрнағы күні елімізге танымал қаламгер Оңдасын Елубайдың «Сегіз қырлы, бір сырлы» атты шығармашылық кеші өтті. А.Пушкин атындағы облыстық кітапханада ел зиялыларының басын қосқан кештің атауында терең мән бар. «Егемен Қазақстан» газетінің Шығыс Қазақстан облысы бойынша меншікті тілшісі болып ширек ғасыр еңбек еткен Оңдасынды жұртшылық журналист ретінде ғана емес, спорт қайраткері, жазушы, фотосуретші, күйші ретінде де біледі. Қаламгер абыройы жиналған оқырмандардың көптігінен де аңғарылды.
Қазақстан Жазушылар және Журналистер одағының мүшесі, «Құрмет» орденінің иегері, Өскемен қаласы мен Зайсан ауданының құрметті азаматы О.Елубайдың шығармашылық кешіне облыс әкімінің орынбасары Жақсылық Омар, «Нұр Отан» партиясы облыстық филиалы төрағасының бірінші орынбасары Түсіпхан Түсіпбеков, «Егемен Қазақстан» республикалық газеті» АҚ вице-президент – бас редактор Жанболат Аупбаев, «Жұлдыз» журналының бас редакторы, ақын Ұлықбек Есдәулет және бірқатар әріптестері мен студенттер қауымы қатысты.
Кешті Қазақстан Жазушылар одағы Шығыс Қазақстан облыстық филиалының төрағасы, «Шығыс-ақпарат» медиахолдингінің директоры Нұржан Қуантайұлы жүргізіп, журналистің алты Олимпиада ойындары мен төрт әлем чемпионатына куә болып, он жеті кітаптың, 100 мыңнан астам фотосурет пен 300 сағаттық бейнесюжеттің авторы атанғанын, ең бастысы, шығармашылық ғұмырында Шығыс өңірінің тұмса табиғаты мен еңбек адамдары, әлеуетті экономикасы жөнінде қалам тербегенін жеткізді.
Аймақ басшысы Бердібек Сапарбаевтың арнайы құттықтау хатын облыс әкімінің орынбасары Жақсылық Омар табыс етті.
«Жұлдыз» журналының бас редакторы, Мемлекеттік сыйлықтың лауреаты Ұлықбек Есдәулет қаламгерлер арасында Оңдасын Елубайдың өзіндік орны бар екенін айтып, оны одақ атынан құттықтады.
Сонымен бірге, Т.Түсіпбеков, Ж.Атаев, М.Ағзамов, Ә.Қаңтарбаев, С.Иманғалиев сынды замандастары журналист жөнінде жылы лебіздерін айтып, оның ақпаратты дәл әрі жылдам берудегі шеберлігі кейінгі жастарға үлгі болатынын, әсіресе, өскелең ұрпақты спортқа тәрбиелеуде сіңірген еңбегінің бір төбе екенін айтып, қызмет барысындағы кейбір қызықты сәттерді бөлісті. Өскемен қаласының әкімі Темірбек Қасымжановтың құттықтауын орынбасары Бұлбұл Бакинова, Зайсан ауданының әкімі Алмас Оңдақановтың сый-сияпатын орынбасары Қайрат Сүттібаев тапсырды.
Журналистің жаһандық спорт додаларынан мол мағлұмат беретін «Алты Алашты асқақтатқан Азиада», «Айшылық алысқа алты сапар», «Өмірді суретпен өрнектеген», «Жеңіс жалауын желбіреткен жетеу» атты төрт бірдей кітабының тұсаукесер рәсімін елімізге белгілі спорт ардагерлері Мұқан Ағзамов пен Жанәділ Атаев кесті.
Белгілі айтыскер ақын інісі Серік Құсанбаев жырдан шашу шашты.
Басылымның бас редакторы Жанболат Аупбаев сонау жетпісінші жылдары студенттік шақтардан басталған таныстық пен сыйластық арада біраз жылдар өткенде «Егемен Қазақстан» ұжымында жалғасқанын, газеттің арқасында талай ел мен жерге баруға мүмкіндік туғанын айтып, ұзақ жылғы еңбегіне ұжым атынан алғыс білдірді.
Думан АНАШ.
Өскемен.
Қазақстан Жазушылар және Журналистер одағының мүшесі, «Құрмет» орденінің иегері, Өскемен қаласы мен Зайсан ауданының құрметті азаматы О.Елубайдың шығармашылық кешіне облыс әкімінің орынбасары Жақсылық Омар, «Нұр Отан» партиясы облыстық филиалы төрағасының бірінші орынбасары Түсіпхан Түсіпбеков, «Егемен Қазақстан» республикалық газеті» АҚ вице-президент – бас редактор Жанболат Аупбаев, «Жұлдыз» журналының бас редакторы, ақын Ұлықбек Есдәулет және бірқатар әріптестері мен студенттер қауымы қатысты.
Кешті Қазақстан Жазушылар одағы Шығыс Қазақстан облыстық филиалының төрағасы, «Шығыс-ақпарат» медиахолдингінің директоры Нұржан Қуантайұлы жүргізіп, журналистің алты Олимпиада ойындары мен төрт әлем чемпионатына куә болып, он жеті кітаптың, 100 мыңнан астам фотосурет пен 300 сағаттық бейнесюжеттің авторы атанғанын, ең бастысы, шығармашылық ғұмырында Шығыс өңірінің тұмса табиғаты мен еңбек адамдары, әлеуетті экономикасы жөнінде қалам тербегенін жеткізді.
Аймақ басшысы Бердібек Сапарбаевтың арнайы құттықтау хатын облыс әкімінің орынбасары Жақсылық Омар табыс етті.
«Жұлдыз» журналының бас редакторы, Мемлекеттік сыйлықтың лауреаты Ұлықбек Есдәулет қаламгерлер арасында Оңдасын Елубайдың өзіндік орны бар екенін айтып, оны одақ атынан құттықтады.
Сонымен бірге, Т.Түсіпбеков, Ж.Атаев, М.Ағзамов, Ә.Қаңтарбаев, С.Иманғалиев сынды замандастары журналист жөнінде жылы лебіздерін айтып, оның ақпаратты дәл әрі жылдам берудегі шеберлігі кейінгі жастарға үлгі болатынын, әсіресе, өскелең ұрпақты спортқа тәрбиелеуде сіңірген еңбегінің бір төбе екенін айтып, қызмет барысындағы кейбір қызықты сәттерді бөлісті. Өскемен қаласының әкімі Темірбек Қасымжановтың құттықтауын орынбасары Бұлбұл Бакинова, Зайсан ауданының әкімі Алмас Оңдақановтың сый-сияпатын орынбасары Қайрат Сүттібаев тапсырды.
Журналистің жаһандық спорт додаларынан мол мағлұмат беретін «Алты Алашты асқақтатқан Азиада», «Айшылық алысқа алты сапар», «Өмірді суретпен өрнектеген», «Жеңіс жалауын желбіреткен жетеу» атты төрт бірдей кітабының тұсаукесер рәсімін елімізге белгілі спорт ардагерлері Мұқан Ағзамов пен Жанәділ Атаев кесті.
Белгілі айтыскер ақын інісі Серік Құсанбаев жырдан шашу шашты.
Басылымның бас редакторы Жанболат Аупбаев сонау жетпісінші жылдары студенттік шақтардан басталған таныстық пен сыйластық арада біраз жылдар өткенде «Егемен Қазақстан» ұжымында жалғасқанын, газеттің арқасында талай ел мен жерге баруға мүмкіндік туғанын айтып, ұзақ жылғы еңбегіне ұжым атынан алғыс білдірді.
Думан АНАШ.
Өскемен.
