Оқиға • 03 Желтоқсан, 2021

Атырауда жеке тұрғын үй өртенді

31 рет көрсетілді

Атырауда жеке үй өртеніп, күйік шалған бір адам ауруханаға түсті, деп хабарлайды Egemen.kz.

Облыстық төтенше жағдайлар департаменті баспасөз қызметінің мәліметінше, тұрғын үй бүгін, 3 желтоқсанда өртенген.

«Департаменттің диспетчерлік пультіне сағат 16:22-де Атырау қаласының маңындағы Еркінқала-2 кентінің №5 көшесінде бір қабатты жеке тұрғын үйден өрт шыққаны туралы хабар түсті. Оқиға орнына жеткен өрт сөндірушілер жалпы ауданы 150 шаршы метр тұрғын үйдің шатыры түгел жанып жатқанын анықтады. Өрттің салдарынан үй иесі – 1987 жылғы азаматты күйік шалды. Зардап шегуші облыстық ауруханаға жатқызылды», деп хабарлады департаменттің баспасөз қызметі.

Жалын сағат 17:16-да оқшауланып, 24 минуттан соң толықтай сөндірілді. Оған департаменттің 22 қызметкері мен 5 техникасы жұмылдырылды.

Соңғы жаңалықтар

Мұнай бағасы көтеріле ме?

Экономика • Кеше

Алашорда офицері

Қазақстан • Кеше

471 мың долларға сатылды

Әдебиет • Кеше

Шабыт пен шарап

Әдебиет • Кеше

Ұқсас жаңалықтар