Үш жыл бұрын басталған жөндеу жұмыстары кезінде сыбайлас жемқорлыққа жол берілді, оның ішінде мердігер тарапынан заңбұзушылықтар анықталған еді. Олардың салғырттығынан театр қызметкерлері мен көрермендер зардап шекті. Қазіргі уақытта сот рәсімдері толығымен аяқталды. Бұл жайында елорда әкімі Алтай Көлгінов әлеуметтік желі арқылы хабарлады.
«Жаңа мердігер анықталды, оған өзгелердің қателігін қайталамау тапсырылды.
Осылайша, тарихи ғимаратты күрделі жөндеу келесі жылдың соңына қарай аяқталады деп жоспарланып отыр. Залдарды жаңартудан, ғимаратты жөндеуден басқа инженерлік желілер жаңартылып, ретке келтіріледі: су құбыры, кәріз, сондай-ақ желдету жүйесі, жылыту және т.б.
Қазіргі уақытта театр ұжымы өзге театрлардың алаңдарында және драма театрдың кіші залында өнер көрсетеді. Бұл, әрине, театр ұжымына белгілі бір қолайсыздықтар әкеледі. Күрделі жөндеу аяқталғаннан кейін тарихи ғимарат жаңарып, ал көрермендер - қойылымдардан ұмытылмас әсер алады!», деп сендірді Нұр-Сұлтан қаласының әкімі.
