Коронавирус • 07 Желтоқсан, 2021

«Омикрон» штамын анықтайтын ПТР тест жасалды

80 рет көрсетілді

Сингапур ғалымдары «омикрон» коронавирус штамын анықтайтын әлемдегі алғашқы мамандандырылған ПТР тестін жасап шығарды, деп хабарлайды Egemen.kz.

Тестті Bio Acumen Global фармацевтикалық компаниясы әзірледі. Қазіргі кездегі тесттер коронавирустық инфекцияны анықтай алады, бірақ пациенттің қандай штамды жұқтырғанын көрсетпейді. Жаңа тестті қолдану уақытты үнемдеуге көмектеседі, COVID-19 жұқтыру фактісін және организмде «омикрон» штамының бар-жоғын бірден анықтайды. Әзірлеуші компания жақын арада көрші елдерге жаңа ПТР-тестілерді жеткізуді жоспарлап отыр.

Ресейлік вирусолог Петр Чумаков «омикрон» штамын «тірі» вакцина деп атады. В. А. Энгельхардт атындағы молекулалық биология институтының зертхана меңгерушісі «омикронның» пайда болуымен адамзат локдаундар туралы ұмыта алады деген үмітін білдірді. 

«Табиғат коронавирусқа қарсы тірі вакцина жасады деген оптимистік пікір бар. Яғни, осы штаммен ауырған адамдар сауығып шыққаннан кейін патогендік нұсқаларға төзімді келеді», деп ұсынды Чумаков. 

Бірақ соңғы тұжырымдарды жасауға әлі ерте екендігі де атап өтілді.

 

Соңғы жаңалықтар

Ақтау әкіміне сөгіс жарияланды

Аймақтар • Бүгін, 18:45

Доллар қымбаттады

Экономика • Бүгін, 15:54

Ұқсас жаңалықтар