Үкімет • 08 Желтоқсан, 2021

Биологиялық қауіпсіздік туралы заң жобасы мақұлданды

70 рет көрсетілді

Мәжіліс депутаттары «Қазақстан Республикасының биологиялық қауіпсіздігі туралы» заң жобасын бірінші оқылымда мақұлдады, деп хабарлайды Egemen.kz.

«Заң жобасын Денсаулық сақтау министрлігі мүдделі мемлекеттік органдармен бірлесіп, Мемлекет басшысының ұлттық қоғамдық сенім кеңесінің отырысында берген тапсырмаларын орындау мақсатында әзірледі», деді ҚР Денсаулық сақтау министрі Алексей Цой палатаның жалпы отырысында.

Оның айтуынша, заң жобасының негізгі тұжырымдамасы биологиялық қатерлерді ерте анықтау және олардың алдын алу болып табылады.

Заң жобасында келесі мақсаттар көзделген:

  • Уәкілетті органды айқындау, биологиялық қауіпсіздік саласындағы мемлекеттік органдардың үйлестіру және ведомствоаралық өзара іс-қимылы, олардың құзыреттерін, сондай-ақ Қазақстан Республикасы Үкіметінің құзыреттерін айқындау;
  • Қазақстан Республикасы заңнамасының талаптарына сәйкес төтенше жағдайлар кезінде, соғыс жағдайы режимі жағдайында және әскери қауіпсіздік пен қорғаныс шеңберінде, терроризмге және экстремизмге қарсы іс-қимыл жасау, күзетілетін адамдар мен объектілердің биологиялық қауіпсіздігін қамтамасыз ету мақсатында биологиялық қауіпсіздікті қамтамасыз етуге тартылған мүдделі мемлекеттік органдардың үйлестіруші рөлін ахуалдық айқындау;
  • Биологиялық қауіпсіздік саласындағы орталықтандырылған есепке алу және мониторинг, үйлестірілген ден қою шараларын әзірлеу және Қазақстан Республикасының аумағында биологиялық қауіпсіздікті қамтамасыз ету үшін мемлекеттік органдар арасында ақпарат алмасу мақсатында биологиялық қауіпсіздікті қамтамасыз ету саласында бірыңғай мемлекеттік ақпараттық жүйе құру. Мұндай жүйені құрудың нәтижесі болжау, биологиялық қауіптерді басқару жүйелерін қалыптастыру болады;
  • Әрбір объектіге (стационарлық немесе мобильді) патогенді биологиялық агенттермен жұмыс істеуге рұқсат алу;
  • Патогенді биологиялық агенттермен жұмыс істеуді жүзеге асыратын субъектілердің олардың меншік нысанына қарамастан сәйкестікті бағалау саласында аккредиттеудің міндетті рәсімінен өтуі;
  • Патогенді биологиялық агенттермен жұмыс істеуді жүзеге асыратын ұйымдардың қызметкерлерін биологиялық қауіпсіздікті қамтамасыз ету мәселелері бойынша оқыту, нұсқау беру, білімін тексеру;
  • Патогенді биологиялық агенттермен жұмыс істеуді жүзеге асыратын мемлекеттік ұйымдардың қызметкерлері мен қосалқы персоналын әлеуметтік қорғау, олардың жалақысын ұлғайту, екі лауазымдық айлықақы мөлшерінде сауықтыруға арналған жәрдемақы енгізу;
  • Биологиялық қауіпсіздік саласындағы ғылыми және білім беру қызметін реттеу.

Сондай-ақ, биологиялық қауіпсіздік саласындағы заңнамада көзделген талаптардың орындалуын қамтамасыз ету мақсатында мемлекеттік бақылау мен қадағалауды жүзеге асыру көзделген.

Соңғы жаңалықтар

Мұнай бағасы көтеріле ме?

Экономика • Кеше

Алашорда офицері

Қазақстан • Кеше

471 мың долларға сатылды

Әдебиет • Кеше

Шабыт пен шарап

Әдебиет • Кеше

Ұқсас жаңалықтар