Ол сұхбат барысында 2011 жылғы әлем чемпионатының финалында әзербайжандық боксшыдан жеңілуі үшін беймәлім біреулер 300 мың АҚШ долларын ұсынғанын айтты.
«Иә, Бакуде өткен әлем чемпионатының финалында жергілікті боксшы Теймур Мамедовпен жолым түйісті. Сол кезде жергілікті боксшының әлем чемпионы атанғанын қалайтындар маған жеңілуім үшін 300 мың АҚШ долларын ұсынды. Бұл ұсынысқа бірден қарсы екенімді айттым.
Осы жағдай маған финалдық жекпе-жекте әсер етті ме? Мен енді сол қаржыны үш төрешіге беретін шығар, олар өздерінің лас жұмысын атқаратын болар деп топшыладым. Шаршы алаңға қарсыласыма жойқын соққыларымды дарытуым керек деген оймен көтерілдім. Жоспарым жүзеге асып, олар мені аяқтан шала алмады», деді боксшы өз ойын түйіндеп.
