Бұл туралы белгілі промоутер Эдди Хирн айтты.
«Головкиннің келесі қарсыласы Сауль Альварес болуы ықтимал. Кім біледі, бәрі де мүмкін. Бұл кәсіпқой бокс әлеміндегі ең үлкен жекпе-жек болатыны талас тудырмаса керек», дейді промоутер.
Естеріңізге сала кетейік, бұған дейін Геннадий Головкин мен жапониялық Риота Мурата арасындағы жекпе-жек кейінге қалдырылған болатын. Аталмыш шайқас жобамен келесі жылдың көктемінде өтеді деген ақпарат тарады. Алайда мамандар Альварестің командасы тарапынан ұтымды ұсыныс түссе ғана Головкин Муратаға қарсы шайқасты одан әрмен соза тұруы мүмкін екенін алға тартып отыр.
