«Елорда әкімінің орынбасары Малика Бектұрова басқа жұмысқа ауысуына байланысты 15 желтоқсаннан бастап қызметінен босатылды», деп хабарлады әкімдіктің баспасөз қызметі.
Ол - экономика ғылымдарының кандидаты. 2001 жылы Кентукки университетін (АҚШ) «Саясаттану» мамандығы бойынша бітірді. 2003 жылы Абай атындағы Алматы мемлекеттік университетін «Қаржы және несие» мамандығы бойынша бітірген. 2003 жылы «Индустриялық саясат және сауда (ТҚ)» мамандығы бойынша Корей даму институтын аяқтады. 2004 жылы Гарвард университетін «Мемлекеттік басқару» мамандығы бойынша бітірген. Оның екі магистр дәрежесі бар.
Еңбек жолын 2002 жылы Қаржы министрлігінде жетекші маман болып бастады. Экономика және бюджеттік жоспарлау министрлігінде жетекші маман, Индустрия және сауда министрлігінде бас маман, Көлік және коммуникация министрлігінде бөлім басшысы, басқарма басшысы және департамент директоры болып жұмыс істеді.
2006 жылы қазаннан бастап әкім орынбасары лауазымына тағайындалғанға дейін Малика Бектұрова 2016 жылы Астана қаласының кәсіпкерлік және өнеркәсіп басқармасының басшысы болып жұмыс істеді.
