Спорт • 28 Желтоқсан, 2021

Тайсон теңдессіз деп танылды

185 рет
көрсетілді
1 мин
оқу үшін

АҚШ-тың Boxingtalk.com сайты қазіргі кезде аса ауыр салмақта жұды­рық­тасып жүрген әлемнің ең үздік кәсіпқой боксшыларының тізімін жариялады.

Тайсон теңдессіз деп танылды

Алыптар көшін WBC нұсқасы бойынша әлем чемпионы Тайсон Фьюри бастап тұр. 33 жастағы Ұлыбританияның мақтанышы кәсіпқой рингте 32 кездесу өткізіп, 31 рет жеңіске жетті. 22 қарсыласын ұрып жықты. Тағы бір бәсекеде тең түсті. Яғни өз карьерасында ол бірде-бір рет жеңілген жоқ. Екінші орында – Александр Усик. Бұған дейін бірінші ауыр салмақта күш сынасып, қарсылас шақ келтірмеген 34 жастағы украиналық боксшы 2019 жылдан бері алыптармен айқасуды құп көрді. Сол аралықта WBA super, WBO, IBF және IBO нұсқаларының алтын белбеулерін алып та үлгерді. Чемпиондық бәсекеде дәл сол Усиктен ұтыл­ған ұлыбританиялық Энтони Джошуа үшін­ші орынға тұрақтады. Сондай-ақ Деонтей Уайлдер (АҚШ), Дил­лиан Уайт (Ұлыбритания), Джозеф Джойс (Ұлы­британия), Джозеф Паркер (Жа­ңа Зеландия), Энди Руис (АҚШ), Луис Ортис (Ку­ба) және Фрэнк Санчес (Куба) сынды гүрзі жұ­дырықты жігіттер үздік ондықтың қатарына енді.

Қазақстанның боксшылары арасында ең тәуір нәтиже Жан Кособуцкийге тиесілі. 33 жастағы жерлесіміз қазірде 37-орын­ды иеленуде. 31 жастағы Иван Дычко 55-сатыға жайғасты. Бір айта кетерлігі, бұл боксшы­лар­дың екеуі де Қостанай облысының тумалары.