Қазақстан Республикасының Бас мемлекеттік санитарлық дәрігерінің қаулысымен жұмыс және демалыс күндері сауда-ойын-сауық орталықтарына, сауда үйлеріне, сауда желілеріне (азық-түлік емес), караокеге жұмыс режимі бойынша шектеусіз қызметкерлер мен келушілерде қауіпсіз «жасыл» мәртебесі (вакцинация, сынамаларды іріктеу сәтінен бастап жеті тәуліктен аспайтын теріс нәтижесі бар ПТР-тест) болған жағдайда ғана рұқсат етіледі, деп хабарлады COVID-19 таратпау жөніндегі ВАК.
Коронавирустың «омикрон-штамм» нұсқасының таралу жылдамдығына байланысты қосымша шаралар қабылдануда, бүгінде жаңа штамм әлемнің 110 елінде анықталды.
Бірқатар елдердің денсаулық сақтау жүйесі «омикрон» нұсқасының тез таралуына байланысты шамадан тыс жүктемені бастан кешуде. Осыған байланысты қабылданған шаралар эпидемиологиялық жағдайдың тұрақтылығын сақтауға, аурулар санының ұлғаю қаупін азайтуға, неғұрлым қатаң шектеу шараларын енгізуге жол бермеуге бағытталған.
