Қазақстан • 13 Қаңтар, 2022

«Қазақтелеком» өсімақыны алып тастады

471 рет
көрсетілді
1 мин
оқу үшін

Цифрлық даму, инновациялар және аэроғарыш өнеркәсібі министрлігі байланыс операторларымен бірге еліміздегі төтенше жағдай кезінде қазақстандықтарға қолдау көрсету үшін бірқатар іс-шара кешенін ұсынды.

«Қазақтелеком» өсімақыны алып тастады

Мәселен, «Қазақтелеком» жеке тұлғаларға қаңтар айында телекоммуникация қызметіне төлемақыны кешіктіргені үшін төленетін өсімақыны алып тас­та­ды. Сондай-ақ iD TV және TV+ цифрлы теледидар қызметі тіркелген интернет қызметін қолданушылардың бар­лығына интернет болмаған жағдайда да құрылғыда, қо­сымшада, tv.telecom.kz сайтында қолжетімді. Бүгінде аталған қызмет қазақстан­дық телеарналарды ретрансля­ция­лауда. Кейін TV+ сервисі басқа да операторлардың, сонымен қатар мобильді операторлардың желілерінде ұсынылады.

«Қазақтелеком» АҚ або­нент­теріне 31 қаңтарға дейін шек­теу­сіз қалааралық теле­фон шалуға, сонымен қа­тар еліміздегі байланыс опе­ра­торларының мобильді нө­­­мір­­леріне тіркелген қалалық нө­мір­­­лерге қосымша төлемсіз ха­бар­ласу үшін 1000 минут тегін таратты. «Кар-Тел» (Beeline Kazakhstan) АҚ-ның отан­дық телеарналар мен ойын-сауық контентін та­ма­­шалауға мүмкіндік бере­тін BeeTV сервисі де қол­жетімді, ал Beeline мобильді қосымшасында интернет бол­маса да «Мемлекеттік жаңа­лықтар» айдарында соңғы ақпараттарды көруге болады. Бұған қоса, Мем­лекет бас­шысының тапсырмасына сәйкес Beeline, Kcell, Activ, Tele-2, Altel байланыс операторлары барлық абоненттерге тегін 300 минут пен 200 SMS таратты.

Соңғы жаңалықтар