Аймақтар • 14 Қаңтар, 2022

Алматыда жаппай тәртіпсіздікке қатысқан 2 мыңнан астам адам ұсталды

243 рет
көрсетілді
1 мин
оқу үшін

Алматының Жетісу және Наурызбай аудандарында профилактикалық және іздестіру шаралары жүргізілді. Бұл туралы Алматы қаласы комендатурасының ақпараттық орталығы мәлім етті, деп хабарлайды Egemen.kz.

Комендатура мәліметінше, арнайы операция барысында Жетісу және Наурызбай аудандарынан лаңкестік, тонау және басқа да қылмыстардың 2159 қатысушысы ұсталды. 67 бірлік атыс қаруы мен 3112 оқ-дәрі тәркіленді.

«Өткен тәуілікте «102» пультіне 754 хабарлама келіп түсті. Комендатураның Колл-орталығына азаматтардан жедел әрекет етуді талап ететін 175 дабыл қабылданды. Барлық хабарламалар дер кезінде өңделді», деді Алматы қаласы комендатурасының ресми өкілі Салтанат Әзірбек.

Сонымен қатар, ол тұрғындарды коменданттық сағатты бұзбауға шақырды.