Халықаралық рейтингте көш бастады

Батыс Қазақстан ғылыми-зерт­­­­теу институты өткен жыл­дың қоры­тын­дысы бойынша интегра­циялық байланыстар шең­беріндегі мемлекеттер арасында үздік кәсіпорын атанды. Өйткені, аталмыш ұжымға «Сала көшбасшысы-2013» құрметті атағы мен ұлттық дәреже­дегі сертификатты ұсынушы тек Қазақстан ғана емес, сонымен бірге, оның құрамына Ресей, Украина және Беларусь Республикасы ұлттық бизнес рейтингтер одағы кіреді. ТМД аумағы мен Кеден одағы кө­ле­­­­мінде ықпалы мол, танымды­лығы жо­­ғары рейтингтік компания Батыс Қа­­зақстан ғылыми-зерттеу инсти­ту­­­ты­ның аймақтағы шағын кәсіп­ор­ын­дар арасында нарық коньюк­ту­ра­сын жан-жақты әрі терең талда­ған зерт­теу ең­бектерін жоғары бағалап отыр. – Біздің институттың басты мақ­­­­­­саты – қоғамдық ой-пікірлерді елеп-ек­шеп, сүзгіден өткізіп зерттеу арқы­лы әлеуметтік жобалар мен іргелі ғылыми ізденістерді жүзеге асыру. Әлбетте қоғамдық көзқарас көп жағ­дайларда адастыра бермейді. Дұрыс жол көрсетеді. Халықаралық сарапшылар тарапынан ұсынылып отырған бұл марапат еңбегімізге берілген әділ баға деп есептеймін, –дейді институт жетекшісі Үмбетқали Жаңабеков. Халықаралық рейтингтік баға­лау үрдістері бойынша жоғары табыстарға жеткен қазақстандық кәсіпорындардың қатарын толықтыр­ған ұжымның алға қойып отырған іс-жоспарлары бұдан да ауқымды. Сондай-ақ, институттың атауы ха­лық­аралық анықтамалықтардан орын алып «Кеден одағы жаршы­сы» каталогіне кіруі де ұжым қыз­мет­керлерінің біліктілігі мен кәсіби дең­гейлерінің биіктігін таныта алады. Иә, әлемдік қауымдастықта кез кел­ген мемлекеттік әлеуметтік-эко­но­микалық даму көрсеткіштері осындай озық компаниялардың сапалық дең­гейімен айқындалары анық. Темір ҚҰСАЙЫН, «Егемен Қазақстан». ОРАЛ.