Қанат Таймерденовтың сөзінше, бүлікке қатысушылар қала көшелерінде бей-берекет оқ жаудырып, кездейсоқ өтіп бара жатқан адамдарды, дүкен сатушылары мен көлігін беруден бастартқан жүргізушілерді өлтірген.
«Осындай әрекетпен 6 қаңтар күні режиссер Сәкен Битаев өлтірілді. Сол күні кешкі сағат 21.30 шамасында Алматы қаласы әкімдігі жанында әкім Б. Сағынтаевтың картежіне де оқ жаудырылды. Қастандық салдарынан «Алматы» телеарнасының қызметкері қаза тауып, тағы үш адам, оның ішінде әкімдіктің екі қызметкері жараланды», деді ол.
Сондай-ақ, ол содырлардың әрекеттері алдын ала ұйымдастырылғанын, алаң маңындағы 493 бейнекамераны істен шығарғанын айтты.
