Аймақтар • 17 Қаңтар, 2022

Түркістан облысының жеті тұрғынынан қару-жарақ пен есірткі тәркіленді

78 рет көрсетілді

Түркістан облысы ПД жедел бөлімшелері екі тәулік ішінде қару-жарақ, есірткі құралдары мен діни сипаттағы материалдарды заңсыз сақтаумен байланысты жеті фактіні анықтады, деп хабарлайды Egemen.kz Polisia.kz-ке сілтеме жасап.

Түркістан облысының аумағында азаматтардың қауіпсіздігі мен қоғамдық тәртіпті қамтамасыз ету мақсатында «Құқықтық тәртіп» жедел алдын алу іс-шарасы өткізілуде.

Криминалдық полиция қызметкерлері Отырар ауданының аумағында марихуана оралған қағаз бумасы мен 36 патроны бар тіркелмеген қос ұңғылы аңшылық мылтықты сақтаған жергілікті тұрғынды ұстады. Тінту жұмыстары барысында күдіктіден діни сипаттағы 20-дан астам кітап, брошюра және журнал тәркіленді.

Сондай-ақ, Түлкібас ауданында тіркелмеген сигналдық тапанша мен 16 калибрлі аңшы мылтығы тәркіленген ер адам ұсталды.

Кентау қаласының аумағында полиция қызметкерлері азаматтардың бірінен марихуана есірткі заты мен металл кастет тапты. Ал Жетісай ауданында полицейлер тіркелмеген газ тапаншасын, түрлі калибрлі 20-дан астам патрон мен марихуана салынған түйіншекті сақтаған күдіктіні ұстады.

а

Сонымен қатар, Мақтарал ауданында криминалдық полиция қызметкерлері ауыл тұрғындарының бірінен 16 калибрлі, ал Ордабасы ауданының тұрғынынан 12 калибрлі кесінді тапты.

Сарыағаш ауданының аумағында тіркелмеген травматикалық тапанша ұстаған аудан орталығының тұрғыны ұсталды.

Барлық фактілер СДТБТ-де ҚК-нің 296-бабы «Есірткі құралдарымен, психотроптық заттармен, сол тектестермен өткізу мақсатынсыз заңсыз жұмыс істеу» және ҚК-нің 287-бабы «Қаруды, оқ-дәрілерді, жарылғыш заттар мен жарылғыш құрылғыларды заңсыз сатып алу, беру, өткізу, сақтау, тасымалдау немесе алып жүру» бойынша тіркелген.

Қазіргі уақытта сотқа дейінгі тергеу амалдары жүргізілуде. Бірқатар сараптамалар тағайындалды.

Соңғы жаңалықтар

Ұқсас жаңалықтар