Коронавирус • 19 Қаңтар, 2022

Екі ауданда екпе баяу жүруде

236 рет
көрсетілді
3 мин
оқу үшін

Қызылордада облыс әкімі Гүлшара Әбдіқалықованың төрағалығымен онлайн форматта коронавирус инфекциясының таралуына жол бермеу жөніндегі облыстық жедел штаб отырысы өтті.

Екі ауданда екпе баяу жүруде

Қазір өңір «қызыл аймақта» тұр. Соңғы аптада індет жұқ­тыр­ғандардың тәулігіне 300-ден асып бара жатқаны аймақта эпидемиялық жағдайдың күр­делене түскенін көрсетеді.

– «Дельта» мен «омикрон» штамы таралып, жағдай ауырлай түсуде. Індетті жеңудің бірден-бір жолы – жаппай вакциналау жұмыстарын жалғастыру екенін ұмытпаған жөн. Осы күні облыста екпенің I компонентін 418 154, екіншісін 392 943 тұр­ғын алды. Ал 30 213 адам ревакциналаудан өткен. Соған қара­мастан ахуал ауырлай тү­сіп отыр. Әсіресе, екпе алуға қабілетті жасөспірімдерді вакциналау қарқынын күшейту керек. Шиелі, Жаңақорған аудандарда екпе баяу жүруде, – деді Г.Әбдіқалықова.

Жиында облыстық санитар­лық-эпидемиологиялық бақы­лау де­пар­таменті басшысының мін­детін атқарушы Әлия Әбді­қай­ымова өткен жылдың есепті кезеңімен салыстырғанда вирус жұқтыру көрсеткіші 20 есеге өсіп отырғанын айтып өтті.

Облыстық кәсіпкерлік және туризм басқармасының басшысы Фердоуси Қожабергенов аймақтағы кәсіпкерлерлік ны­сан­дарында Ashyq қосым­шасын пайдалану аясын ұл­ғай­ту бағытын баяндады. Бү­гін­де облыста 3 851 нысан осы қосымшамен жұмыс жасап отыр. Тұтынушылар арасында түсіндірме жұмыстары жалғасуда. Облыстық денсаулық сақтау басқармасының басшысы Сәбит Пазыловтың айтуынша, жыл басынан бері облыста 1 800-ден астам тұрғын індет жұқтырған. Ірі ошақ – Қызылорда қаласында. Аудандар арасынан Шиелі мен Жаңақорғанда вирусқа шалдыққандар саны көптеп тіркеліп отыр.

Өткен жылдың соңында сая­бырсып қалған вирустың қайта көбеюіне байланысты өңір басшысы инфекциялық стационарлардағы төсектік орын санын көбейту қажеттігін ес­ке салды. Бүгінде 535 төсек-орын әзірленген. Қажеттілікке қарай оның санын 3 200-ге дейін арттыруға мүмкіндік бар. Сонымен қатар 142 мобильді топ үй жағдайында қызмет көрсе­туде. Ал емханаларда 21 ахуал­дық орталық жұмыс істеп тұр.

Жиында облыстық білім басқармасының басшысы Ақзи­ра Қасымова оқушылар арасында індеттің таралу жиілігіне байланысты ұсыныстар айтты. Облыс орталығындағы бала саны 600-ден асатын мектептер онлайн оқуға көшсе, ауылдық мектеп шәкірттері офлайн білім алады. Сондай-ақ қашықтан оқитын мектептердегі 1-2 сынып оқушыларын дәстүрлі формат бойынша оқытқан жөн.

Штаб отырысын қорытынды­лаған аймақ басшысы жауапты салалық басқарма мен департамент басшыларына, қала және аудан әкімдеріне нақты тапсырма жүктеді. Мониторингтік топтар жұмысын жандандырып, тұрғындар арасында ревак­циналауды күшейту керек. Тап­сырмаға сәйкес облыстық ден­саулық сақтау, білім басқар­ма­лары мен санитарлық-эпи­де­­миология­лық бақылау депар­та­мен­­ті қала, аудандар бойынша КВИ-ге қарсы вакциналау жүргізу жөніндегі жұмыстарды үйлестіретін кураторлар та­ғайын­дап, жасөспірімдерге ек­пе салудың іс-шара жоспарын әзірлеуге тиіс.

 

Қызылорда облысы

Соңғы жаңалықтар

Су үнемдейтін қондырғы

Технология • Кеше