Қысқы спорт • 20 Қаңтар, 2022

Іріктеу жарыстары аяқталды

39 рет көрсетілді

Келесі айда Бейжіңде алауы тұта­натын Олимпия ойындарының барлық іріктеу және рейтингтік сайыстары аяқталып, жолдамалардың басым бөлігі үлестірілді, деп хабарлады Olympic.kz сайты.

Аталған додалардың қорытындысы бойынша Қазақстанның өрендері спорттың 8 түрінен 82 жолдамаға қол жеткізді. Тарқатып айтсақ, шаңғы жарысы бойынша қоржында 30 жолдама бар. Фристайлшылар тоғыз жолдамаға иелік етті. Соның ішінде могул бойынша – бес, акробатикадан төрт лицензия еншіледік. Конькишілер мен биатлоншылар – 12, шорт-трекшілер – тоғыз, тау шаңғышылары мен шаңғымен тұғырдан секірушілер – төрт және шаңғы қоссайысшылары екі жолдаманы қалтаға басты.

Қазіргі кезде еліміздің олимпиадалық құрамасы сапына 32 спортшы еніп отыр. Осы орайда бұл ең соңғы әрі нақты сан емес екенін айта кетуге тиіспіз. Өйткені ҰОК кейбір спорт түрлерінен халықаралық федерациялардың лицензияларды қайта бөлу және үлестіру нәтижелерін күтуде.

Соңғы жаңалықтар

Есіңде болар әр күнің

Қазақстан • Кеше

Жемқорлық статистикасы

Қазақстан • Кеше

«Бір белгі үшін...»

Кино • Кеше

Шынайылық

Өнер • Кеше

Ұқсас жаңалықтар