Аймақтар • 20 Қаңтар, 2022

Алматыда Абай даңғылынан жоғары салынатын ғимараттардың қабат саны шектеледі

Алматыда Абай даңғылынан жоғары салынатын жаңа ғимараттардың қабат саны шектеледі. Қала әкімі Бақытжан Сағынтаев осындай тапсырма берді, деп хабарлайды Egemen.kz.

Гауһар ҚАПАШ

Алматы әкімінің айтуынша, былтыр құрылыс ережелері қабылданып, тарихи орталықты сақтау мәселесі талқыланған.

Сондай-ақ, шенеуніктер осы аумақта салынуы мүмкін құрылыстың тығыздығы мен қабат санын белгілеген болатын.

«Құрылыс жүргізетін мердігер компанияларға мектеп, балабақша, басқа да инфрақұрылымды қамтамасыз ету жөніндегі міндеттемелерін дайындадық. Дегенмен қоғамда жаңа және ескі тұрғын үй кешендерінің құрылысына қатысты әлі де талқыланатын мәселелер бар», дейді Алматы әкімі.

Осыған байланысты Бақытжан Сағынтаев қаулы шығарды:

- меншік иелері 100 пайыз (жеке инвестор тарту қажет үйлерді қоспағанда) ескі тұрғын үйлерді қайта жаңғырту бағдарламасын одан әрі іске асыру тек бюджет қаражаты есебінен жүзеге асырылады;

- Абайдан жоғары әл-Фараби даңғылы мен Жандосов көшесіне дейінгі, Шығыс айналма жолынан Саин көшесіне дейінгі аумақта тұрғын үй ғимараттарының биіктігі шектелсін;

- табиғи беткейлеріне зиян келтіретін ТК салуға тыйым салу. Сонымен қатар, қалалық жоспарлау және урбанистика басқармасы қазір Абай даңғылынан жоғары салынатын ғимараттардың биіктігін шектеу жобасы әзірленіп жатқанын мәлім етті.

«Шығыс айналма автомобиль жолының оңтүстігі, әл-Фараби даңғылы, Саин даңғылы, Жандосов көшесі (Саин даңғылынан қала шекарасына дейін). Аталған аудандағы ғимараттардың биіктігі үш қабаттан аспауы керек және денсаулық сақтау, білім, туризм және мәдениет саласындағы халықаралық деңгейдегі әлеуметтік маңызы бар нысандардың құрылысын қоспағанда барлық типтегі ғимараттардың биіктігі жерден шатырдың ұшар басын қоса есептегенде максималды биіктігі 12 метрден аспауы тиіс», деді ведомство өкілі.