Аймақтар • 20 Қаңтар, 2022

Жанармай бекетіне шабуыл жасағандар құрықталды

231 рет
көрсетілді
1 мин
оқу үшін

Ақтөбе қаласында жанармай бекетіне қарақшылық шабуыл жасаған адамдар құрықталды, деп хабарлайды Egemen.kz.

Жанармай бекетіне шабуыл жасағандар құрықталды

Қаланың Сәңкібай батыр даңғылындағы жанар май құю бекетін тонамақ ниетпен екі адам кіріп барған. Олар операторды соққыға жығып, кассирді суық қарумен үрейлендіріп, кассадан 100 мың теңгеден астам ақша мен ұялы телефонды алып, ізін суытқан.

«Олар бірнеше қорап темекі алып, белгісіз бағытқа тайып тұрған. Ақтөбе облыстық ПД криминалдық полиция басқармасының қызметкерлері жедел-іздестіру іс-шаралары барысында екі күдіктіні ұстады. Олардан ұрланған заттар тәркіленді. Осы дерек бойынша ҚР ҚК-нің «Қарақшылық» бабымен сотқа дейінгі тергеу амалдары жүргізіліп жатыр», дейді облыстық ПД баспасөз қызметінің жетекшісі Ерболат Сарқұлов.

Соңғы жаңалықтар

Су үнемдейтін қондырғы

Технология • Кеше