Қоғам • 21 Қаңтар, 2022

Ерекше күтімді қажет етеді

66 рет көрсетілді

Мерзімінен бұрын дүниеге келген нәрестелер ерекше күтімді қажет етеді. Олар әбден ширағанша белгілі бір температура мен ылғалдылық сақталатын арнайы бокс-кювездің ішінде болады. Өйткені шалабайлар дене жылуын тез жоғалтады екен.

Таяуда «Асыл Ана 2020» қо­­ғам­­­дық қорының еріктілері шала туған нәрестелерге жүннен шұ­лық­­тар мен киім-кешек тоқып, оларды При­шахтинск елді ме­кеніндегі пери­наталды орталыққа табыс етті. Аталған қордың басшысы Ай­жан Байделдинованың айтуын­ша, бү­гінде әрбір оныншы бала мер­зі­мінен бұрын жарық дүниеге келеді екен.

– «Шалабайлар» деп уақы­тынан бұрын туған балаларды айтады. Біз Пришахтинск перинатал­ды орталығында сал­мағы 500-ден 2 200 грамм болып өмірге келген сәбилерге жүннен тоқылған жылы және түрлі-түсті жиынтықтарды сый­ға тарттық. Кіп-кішкентай шұ­лық­тар мен бас киімдерді, кеудеше­лер мен көрпешелерді біздің көп балалы аналарымыз тоқыды, – дейді ол.

Мамандар қылшықты жүн шалабайларды жылытып қана қоймайды, сонымен қатар оларды қозғалып жатуға итермелейді екен. Осылайша, қан айналымын қалпына келтіретін көрінеді.

Қазіргі таңда «Асыл Ана 2020» қоғамдық қорының 2 300-ге жуық мүшесі бар. Олардың бар­лығы өңірдің қоғамдық өмірі­не белсенді қатысады. Қор бірне­ше жылдан бері облыстағы әлеу­меттік тұрғыда аз қамтылған тұр­ғындарға қол ұшын созып келеді. «Жақсылық жаса – Делай добро» қайырымдылық жәрмеңкесін де өткізіп тұрады.

 

Қарағанды облысы

 

Соңғы жаңалықтар

«Аяулы жас келін» атанды

Қоғам • Бүгін, 09:00

Фермерлер дүкені ашылды

Қоғам • Бүгін, 08:58

Көш басында өзгеріс жоқ

Спорт • Бүгін, 08:55

Ширек финалға шықты

Теннис • Бүгін, 08:54

Жалпы есепте топ жарды

Спорт • Бүгін, 08:53

Уәдең қайда, шенеунік?

Қоғам • Бүгін, 08:52

Ұқсас жаңалықтар