Коронавирус • 21 Қаңтар, 2022

Елордада «Ashyq» арқылы жұмыс істейтін кәсіпкерлік нысандардың тізімі шықты

Нұр-Сұлтан қаласының бас санитар дәрігерінің 2022 жылғы 12 қаңтардағы № 1 қаулысының күші жойылды, деп хабарлайды Egemen.kz.

Дана МЫРЗАҚАДІР

Жаңа қаулыда қала тұрғындары мен қонақтары мынадай талаптарды қатаң сақтауы керек екені айтылған.

- «Ashyq» жобасына қатысатын кәсіпкерлік нысандарына кіру үшін «Ashyq» мобильдік қосымшасын қолдану;

- қоғамдық орындарға, оның ішінде қалалық қоғамдық көліктерге, қызметіне рұқсат етілген объектілерге барған кезде, сондай-ақ ашық ауадағы қоғамдық орындарда бетперде кию, қашықтықты сақтау және антисептиктерді пайдалану жөніндегі талаптарды қатаң сақтау.

Кәсіпорындардың, ұйымдардың басшылары, ҚР Бас мемлекеттік санитариялық дәрігерінің 2021 жылғы №36, №38 №42 № 43, № 47, № 52 қаулыларының, 2022 жылғы №1, №2, №4 және №5 қаулыларының талабын орындауы қажет.

Құжатта Нұр-Сұлтан қаласының «Ashyq» жобасы арқылы жұмыс істейтін кәсіпкерлік субъектілерінің тізімі де берілген. Олар:

1) йога орталықтарын қоса алғанда, фитнес-клубтары;

2) спа-орталықтары;

3) моншалар, сауналар, бассейндер;

4) PlayStation клубтарын қоса алғанда, компьютерлік клубтар;

5) боулинг клубтары;

6) кинотеатрлар;

7) театрлар мен филармониялар;

8) стрит-фудтарды қоспағанда, қоғамдық тамақтану объектілері, жазғы алаңдар, банкет залдары;

9) асхана типіндегі қоғамдық тамақтану объектілері;

10) облысаралық және қалалық тұрақты емес (туристік) тасымалдар;

11) облысаралық және облысішілік тұрақты тасымалдар;

12) бильярд клубтары;

13) концерт залдары;

14) ерікті қатысушылар;

15) караоке;

16) көрмелер;

17) океанариум;

18) марафондар;

19) көрермендер қатысатын спорттық іс-шаралар;

20) лотерея клубтары және лотерея сататын өзге де орындар;

21) әуежайлар;

22) балалардың ойын-сауық орталықтары (жабық);

23) цирктер;

24) отельдер, қонақ үйлер;

25) халыққа қызмет көрсету орталықтары;

26) темір жол және автовокзалдар;

27) базарлар (жабық), сауда ойын-сауық орталықтары, сауда үйлері, (азық- түлік емес) сауда желілері;

28) сауда алаңы 6000 шаршы метрден асатын (азық-түлік) сауда желілері;

29) балаларды сауықтыру орталықтары (жұмыскерлер (персонал) үшін);

30) букмекерлік конторалар;

31) сұлулық орталықтары мен салондары, шаштараздар, маникюр мен педикюр қызметтерін көрсету, косметикалық және косметологиялық қызметтер көрсету салондары;

32) барлық меншік нысанындағы және ведомстволық бағыныстағы білім беру ұйымдары (педагогтар, персонал, ата-аналар (заңды өкілдері), келушілер, 18 жастағы және одан асқан білім алушылар үшін (ата-аналарының немесе заңды өкілдерінің рұқсатымен 12 жастан бастап балаларда QR-кодты сканерлеп, ерікті түрде тіркеле отырып));

33) спорт кешендері, спорттық-сауықтыру орталықтары;

34) білім беру ұйымдарында білім алушылардың тұруына арналған жатақханалар мен интернаттар (педагогтар, персонал, ата-аналар (заңды өкілдері), келушілер, білім алушылар үшін);

35) діни объектілер;

36) ойын клубтары (казино);

37) түнгі клубтар;

38) банктер, «Қазпочта» АҚ бөлімшелері.

Күннің маңызды және өзекті жаңалықтарын «Егемен Қазақстан» телеграм каналынан оқыңыз