Биылғы қаңтар оқиғасынан кейін халық арасында Алматы қаласының әкімі Бақытжан Сағынтаевты қызметтен босату туралы петиция әзірленіп жатыр. Мемлекет басшысы петиция жайынан хабары барын айтты.
«Қала әкімі өте күрделі жағдайға бірінші рет тап болды. Бірақ әрбір адам мұндай қиын оқиға кезінде нақты бір шешім қабылдай алмайды. Сондықтан оны кінәлай алмаймын. Ол міндетін атқару барысында саналы шешім қабылдай алатын азамат. Бірақ алматылықтардың да пікірі мен көңіл-күйін ескеруім керек. Сондықтан Алматы қаласы әкімінің қызметіне қатысты шешімімді уақыты келгенде білесіздер», деді Қасым-Жомарт Тоқаев.
