Қазақстан • 01 Ақпан, 2022

Адасқандар арандады

909 рет көрсетілді

Ал оларды адастырғандар айылдарын жиды ма?

Биылғы қаңтардағы қасіреттің зардаптары жұртқа мәлім болғанымен, оның түпкі себептері турасында қоғамда әрқилы пікір айтылып жатыр. Бұл жайлы Мемлекет басшысы Қасым-Жомарт Тоқаев Парламент Мәжілісінде сөйлеген сөзінде: «Өкінішке қарай, бүгінде халық арасында осы оқиғаға байланысты түр­лі қарама-қайшы, шындыққа жанас­пайтын жалған ақпараттар тарап кет­кенін көріп отырмыз. Мұның, әрине, бір­неше себептері бар: кейбір азаматтарымыз ахуалды егжей-тегжейлі білмей тұрып, қате пікірде болса, кейбірі әдейі ақпаратты бұрмалап, жағдайды одан бетер ушықтырады», деген болатын.

Ел Президентінің айтуынша, қаңтар­дағы қасірет – бірнеше жыл бойы алдын ала ойластырылған зұлымдықтың көрінісі. «Мұның қатарында Жамбыл облысында болған тәртіпсіздіктер, этносаралық сипаттағы арандатушылықтар мен басқа да шиеленістер бар. Қоғамымыздың тұтастығын жүйелі түрде, соның ішінде наразылықтар мен кәсіби түрде әзірленген сценарийлерді қолдану арқылы шайқалтып келген. Радикалды шаралардың нақты орындаушыларын дайындау жасырын түрде жүргізілген. Ұлттық қауіпсіздік комитеті уәкілетті орган ретінде осы бүлдіргі жұмыстарға нақты баға бере алмады және бергісі де келмеді. Ұлттық қауіпсіздікке төнген аса үлкен қауіпті көрмеді», деді Қасым-Жомарт Тоқаев.

Мемлекет басшысы қаңтардағы қасірет­тің қайталануына жол бермеу мақса­тында алдағы уақытта атқарылатын маңызды жұмыс бағыттарының бірі – діни экстремизмге қарсы күресте жүйелі іс-шаралар кешенін іске асыру екенін атап көрсетті. Өйткені Алматы қаласы мен кейбір өңір­лерде қолдарына қару алып, билік органдарын шабуылдағандар, бейбіт тұрғындарды қорқытып, «тірі қалқан» етіп ұстағандардың ішінде деструктивті діни ағымның өкілдері бар екені әшкереленіп отыр.

Бұдан бірнеше жыл бұрын Ақтөбе, Тараз, Алматы қалаларында болған қанды террористік қылмыстар да осындай жат ағымға ерген жастардың қолдарымен жасал­ғаны белгілі. Өкінішке қарай, Мем­лекет басшысы айтқандай, еліміздің ұлттық қауіпсіздік органдары тарапынан сол қылмыстардың шығу себептері жан-жақты зерттеліп, оларды алдағы уақыт­та болдырмаудың пәрменді шаралары қабылданбағаны анық. Қаңтардағы қасірет – соның айғағы.

Шындығында, мүдделі мемлекеттік органдар мықтап қолға алса, дін саласындағы көкейкесті мәселелерді оңынан шешуге болатынын өмір тәжірибесі көрсеткен. Мәселен, осыдан он бес жылдай бұрын елімізге сырттан кіргізілген бір деструктивті діни ағымды уағыздаушылар тобы анық­талып, олар қолданыстағы заңнамаға сәйкес жауапқа тартылды, қайсыбірі тіпті елден аластатылған. Содан кейін ол ағым­ның өрісі тарылып, бүгінде ұмытылуға айнал­ғандай. Сол кезде халқымызды ислам ді­ні­нің ата-бабамыз ұстанған, ежелгі салт-дәстүрлерімізбен үйлескен Ханафи мазхабы аясына топтастыру хақында кеңінен үгіт-насихат жүргізілгендігін айтқан жөн. Алайда кейінгі жылдары осы бағыттағы түсіндіру жұмыстары әлдебір себептермен әлсіреп кеткен тәрізді.

Қазір әлеуметтік желілерде: «Сақалды содырлар анау діни ағымның өкілдері екен. Сондықтан ондай діни ағымға заң бойынша тыйым салу керек» деген мағынадағы пікірлер айтылып жүр. Ал кейбір бұқаралық ақпарат құралдары қаңтардағы қантөгіс кезінде қолға түскен бұзақылардың ішінде Қазақстанда экстремистік ұйымдар қатарына жатқызылған «Таблиғи Жамағаттың» бір қанаты – «Йакын Инкар» радикалды ұйы­мының жақтастары болғандығын хабарлады.

Әрине, бейбіт шерулердің бүлдіргіштік сипат алып кетуіне кінәлі содырлардың нақты қандай діни ағымның өкілдері екенін жете анықтап барып қана әділ шешім қа­был­дау керек. Бірақ бір нәрсенің басы ашық – шолақ балақты, шоқша сақалды жастар да – өз бауырларымыз. Көбі – екі бүйірден қысқан жоқшылықтың салдарынан азғындауға еріп, адасқан жандар сияқты. Енді оларды кеуделерінен кері итермей, түзу жолға түсірудің амалын іздегеніміз абзал. Сонымен қатар жастарымызды жат ағымға кіргізіп, арандатқандардың кімдер екенін де әшкерелеп, айылдарын жиғызу қажеттігі де даусыз. Дініміздің тұтастығына, ұлтымыздың бірлігіне төнген елеулі қауіпті ескермеске болмайды.

Соңғы жаңалықтар

1,1 млн гектар жер қайтарылды

Қазақстан • Бүгін, 22:38

Күре жолда көп өзгеріс бар

Аймақтар • Бүгін, 22:32

Шекараның шебі берік

Қазақстан • Бүгін, 22:27

Бақыт министрлігі

Қоғам • Бүгін, 22:20

Электр желілері тозып тұр

Экономика • Бүгін, 22:12

Шығын көбейсе, тариф өседі

Экономика • Бүгін, 22:09

Ұлт ұстазының ұлағаты

Ахмет Байтұрсынұлы • Бүгін, 22:04

Балуан Шолақтың Ғалиясы

Өнер • Бүгін, 21:59

«Қылмыскер» қалам

Өнер • Бүгін, 21:57

Бетховеннің өмірі

Өнер • Бүгін, 21:56

Қасқыр жайлы хикаялар

Таным • Бүгін, 21:53

Ұлттық ойындар – құнды мұрамыз

Ұлттық спорт • Бүгін, 21:41

Алан алған 15-ші жүлде

Теннис • Бүгін, 21:36

Ұқсас жаңалықтар