Меркі ауданындағы Қарасу-Қорағаты тас жолында 40 жастағы жергілікті тұрғын ұсталды. Ол есірткі заттарын атқа мініп тасымалдаған.
Жамбыл облысы полиция департаментінің есірткі қылмысына қарсы іс-қимыл басқармасы қызметкерлерінің айтуынша, есірткі заттарының жалпы салмағы 21 кг 140 гр құрады.
Ұсталған азамат кінәсін толықтай мойындап, УҰИ-ға қамалды.
Оның айтуынша, ол есірткі құралын 2021 жылдың тамыз айында Меркі ауданының пранск аймағында дайындаған.
«Аталған факті бойынша ҚР ҚК-нің 296-бабы, 4-бөлігі «Аса ірі мөлшерде есірткі құралдарын заңсыз сақтау» бойынша сотқа дейінгі тергеу жүргізілуде, оған сәйкес үш жылдан жеті жылға дейін бас бостандығынан айыру түріндегі жаза көзделген», деді облыстық ПД баспасөз хатшысы Гүлсара Мұхтарқұлова.
